«Փոխանցեք Ալիեւին, որ ինքն ուղիղ բանակցությունների մեջ մտնի ադրբեջանահայ համայնքի հետ». Այվազյան
- 18:21 09.12.2024
Այսօր Երեւանում անցկացված «Շիրվանի, Գարդմանի եւ Նախիջեւանի հայությունը․ տեղաբնիկությունից մինչեւ փախստականություն» խորագրով գիտաժողովի ժամանակ Ադրբեջանահայերի ասամբլեայի նախագահ, պատմաբան Գրիգորի Այվազյանը հայտարարեց, որ Ալիեւը պետք է ուղիղ բանակցի ադրբեջանահայ փախստականների համայնքի հետ՝ նրանց վերադարձը իրենց պատմական հայրենիք ապահովելու համար։
«Լավ կլիներ փոխանցել Իլհամ Ալիեւին այս առաջարկը, որ ինքն ուղիղ բանակցությունների մեջ մտնի ադրբեջանահայ համայնքի հետ՝ իրենց պատմական հայրենիք արժանապատից վերադառնալու համար՝ միջազգային անվտանգային երաշխիքների ներքո»,- ասաց Գրիգորի Այվազյանը։
Հիշեցնենք, որ օրերս Ալիեւը հայտարարել էր, որ Հայաստանն ուղիղ պետք է բանակցի այսպես կոչված «ադրբեջանցի փախստականների» համայնքի հետ։
Գրիգորի Այվազյանի խոսքով՝ Ադրբեջանից բռնի տեղահանված հայերի գույքային վնասը կազմում է մոտ 100 մլրդ դոլար։