Թուրքիան և Իսրայելը տոնում են հաղթանակը և խոսում են տարածաշրջանում նոր դարաշրջանի մասին

Թուրքիայի նախագահ Էրդողանը ասել է. «Թուրքիան առաջնորդում է պատմությունն իր հզոր ժողովրդավարությամբ, աճող տնտեսությամբ, կայացած ինստիտուտներով և խաղաղ ու նախաձեռնող քաղաքականությամբ, որոնք փոխում են համաշխարհային գործերի ընթացքը և վերաշարադրում ինչպես Թուրքիայի, այնպես էլ մարդկության պատմությունը»։

Ռուսաստանը Էրդողանին և Նեթանյահուին խնդրում է օգնել Սիրիայից իրենց զինվորականների դուրսբերման հարցում։ Բացի այդ, ԱՄՆ-ը և Թուրքիան համաձայնության են եկել ԱՄՆ-ի կողմից աջակցվող սիրիական քրդական ուժերի (SDF) անվտանգ դուրսբերման վերաբերյալ հյուսիսային Մանբիջ քաղաքից:

Այսպիսով, և՛ Ռուսաստանը, և՛ Միացյալ Նահանգները ճանաչում են Սիրիան որպես Թուրքիայի «ազդեցության գոտի»՝ կառավարելով նաեւ Իսրայելի գործողությունները, որն արդեն օկուպացրել է բաղձալի Գոլանի բարձունքները։

Բացի այդ, Իսրայելի ռազմաօդային ուժերը և հրթիռային ուժերը հարձակվել են Սիրիայի ամենամեծ ավիաբազաների վրա՝ ոչնչացնելով Սիրիայի ռազմաօդային ուժերի ենթակառուցվածքները, ինքնաթիռներն ու ուղղաթիռները, Reuters-ին և Al Arabiya-ին հայտնել են աղբյուրները։

Իսրայելի արտգործնախարար Գեդեոն Սաարը ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասի հետ զրույցում քննարկել է Սիրիայում տիրող իրավիճակը, այնտեղ փոքրամասնությունների պաշտպանության կարևորությունը և այս երկրի ապագան։ «Մենք խոսեցինք նաև Իրանի մասին, և ես ընդգծեցի այն վտանգը, որ իրանական ռեժիմի միջուկային ծրագիրը ներկայացնում է տարածաշրջանի և աշխարհի համար: Իսրայելը ուժի և կայունության կենտրոնն է անհանգիստ Մերձավոր Արևելքում և այդպես էլ կմնա»,- ասել է նա:

Իրանի ներկայացուցիչը ՄԱԿ-ում Սիրիայի հարղժցով Անվտանգության խորհրդի նիստում անթույլատրելի համարեց Իսրայելի, ոչ թե Թուրքիայի գործողությունները։

Իր հերթին Էրդողանը նշել է, որ չնայած տապալված վարչակարգի նկատմամբ իր թշնամական վերաբերմունքին, Թուրքիան ցանկացած պարագայում պաշտպանում է Սիրիայի տարածքային ամբողջականությունն ու միասնական կառուցվածքը։ Միևնույն ժամանակ նա չհիշեց Պաղեստինը, որը Իսրայելը հաջողությամբ անեքսիայի ենթարկեց՝ բնակչության գրեթե ամբողջական արտաքսմամբ։

Էրդողանն ասել է, որ մոտ 3 միլիոն սիրիացի փախստականներ, ովքեր ապաստան են գտել Թուրքիայում, կարող են վերադառնալ։ «Առնվազն 4,5 միլիոն սիրիացի հյուր է դարձել մեր տանը։ Մենք 13 տարի ծառայել ենք որպես անսար (բնիկ-խմբ.) սիրիացի ներգաղթյալներին: Այժմ նրանց թիվը իջել է 2,9 միլիոնի։ Մենք ասում ենք. «Մենք Անսար ենք, իսկ նրանք՝ ներգաղթյալներ»: Քանի որ Սիրիան կայունություն է ձեռք բերում, մենք հույս ունենք, որ սիրիացիների կամավոր, անվտանգ, պատվաբեր և կանոնավոր վերադարձը կավելանա։ Մենք նաև բացում ենք Յալադագի սահմանային դարպասը՝ կանխելու փախստականների գերբեռնվածությունը և հեշտացնելու տեղաշարժը»։