Բաքվում “դավադրություն” են բացահայտել սահմանի մաքսակետի դեմ

Ադրբեջանի անվտանգության պետական ծառայությունը հայտարարում է «պետականության դեմ հանցագործություն ծրագրող» անձանց ձերբակալությունների մասին։

Հաղորդվում է, որ գործի շրջանակներում բերման են ենթարկվել երեք անձինք, ովքեր «այլ քաղաքացիների մասնակցությամբ ստեղծել են հանցավոր շրջանակ, սոցիալական ցանցերում փակ խմբերում գաղտնի հանդիպումներ, քննարկումներ կազմակերպել՝ պետական կառույցների դեմ դիվերսիա իրականացնելու նպատակով»։

Հաղորդագրության համաձայն՝ հարձակման թիրախներից էր Ադրբեջանի պետական սահմանի մաքսակետը, նպատակն, ըստ գերատեսչության, «վնասել երկրի պաշտպանունակությանն ու տնտեսական անվտանգությանը, ինչպես նաև պատանդներ վերցնել»։

Հիշեցնենք, որ կորոնավիրուսի պանդեմիայից ի վեր Ադրբեջանը միակ երկիրն է, որն այդպես էլ չի բացել ցամաքային սահմանները քաղաքացիների համար։ Դա բացահայտ քաղաքական որոշում է, որը վաղուց բողոքներ է առաջացնում երկրում։ Վրաստանից, Ռուսաստանւց Ադրբեջան մտնելու համար  մարդիկ պետք է ինքնաթիռից օգտվեն, իսկ դա բավականին թանկ է եւ անհարմար։ 

Բայց մարդիկ դիմանում են ճնշումներին․ չէ որ հիմա կարող են գնալ Ստեփանակերտում հայերի տներում ապրել եւ սովորել Արցախի համալսարանում։