Դեռ պարզ չէ, թե երբ կհրապարակվի 44-օրյա պատերազմի մասին զեկույցը
- 15:48 17.12.2024
ԱԺ պաշտպանության եւ անվտանգության հարցերի մշտական հանձնաժողվի նախագահ Անդրանիկ Քոչարյանը չի բացահայտում, թե երբ է պատրաստվում հրապարակել 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի զեկույցը։
Պաշտպանության եւ անվտանգության հարցերի մշտական հանձնաժողովի այսօրվա նիստում «Հայաստան» խմբակցության պատգամավոր Գեղամ Մանուկյանը հարցրեց Անդրանիկ Քոչարյանին՝ ինչո՞ւ չի հրապարակում 44-օրա պատերազմի հանգամանքներն ուսումնասիրող ԱԺ քննիչ հանձնաժողովի զեկույցը։
«Մի անհանգստացեք, անպայման 8-րդ նստաշրջանում այդ բովանդակային զեկույցը բոլորը լսելու են։ Այո, այո, դուք անպայման լսելու եք, ո՞նց կարող է այդ հսկայական աշխատանքը մնա ստվերում։ Դա շատ բան է տալու հատկապես ձեզ, պարոն Մանուկյան։ Սպասեք լիագումար այն նիստին, որի ընթացքում ես ելույթով հանդես կգամ»,- ասաց Անդրանիկ Քոչարյանը