“Նաեւ կոնտակտ ունեցանք այսպես չակերտներով մեր դարավոր թշնամու ներկայացուցիչների հետ”

ԱԺ պաշտպանության եւ անվտանգության հարցերի մշտական հանձնաժողվոի նախագահ Անդրանիկ Քոչարյանն այսօր լրագրողների հետ ճեպազրույցում ասաց, որ Մեւլյութ Չավուշօղուն ՔՊ-ական պատգամավորների հետ խոսել է խաղաղության մասին։

«Մենք ՆԱՏՕ ԽՎ-ում էինք, մասնակցում էինք որպես ասոցացված անդամ, եւ այնտեղ ՆԱՏՕ անդամ եւ ոչ անդամ պետությունների պատվիրակությունները կային։ Ես ասեմ, որ նաեւ կոնտակտ ունեցանք այսպես չակերտներով մեր դարավոր թշնամու ներկայացուցիչների հետ։ Չավուշօղլուն մոտեցել է ինձ, Արուսյակ Ջուլհակյանին եւ Վահագն Ալեքսանյանին եւ զրույց է ունեցել, մենք չենք նախաձեռնել։ Խոսում էր հենց խաղաղության մասին, դրա հնարավորությունների մասին, վա՞տ է, ես կարծում եմ՝ դա շատ լավ է»,- ասաց Քոչարյանը։

Լրագրողները հարցին՝ ի՞նչ էր առաջարկում Չավուշօղուն իրենց, որպեսզի իրապես խաղաղություն լինի, Անդրանիկ Քոչարյանը պատասխանեց․ «Առաջարկում ենք, որպեսզի դուք քարոզեք խաղաղություն, բայց դուք չեք քարոզում»։