«Հնագույն քաղաքակրթությունների» ֆորումը “իրական” Հայաստանում․ գուցե չեղարկե՞ք
- 22:56 17.12.2024
Դեկտեմբերի 18-ին «Հնագույն քաղաքակրթությունների» ֆորումի շրջանակներում ՀՀ նախագահության ներքո Երևանում տեղի կունենա ֆորումի նախարարական 8-րդ հանդիպումը: Հայտնում են ՀՀ ԱԳՆ-ից:
ՀՀ արտաքին գործերի նախարար Արարատ Միրզոյանը միջոցառմանը հանդես կգա բացման խոսքով: Միջոցառմանը կմասնակցեն Բոլիվիայի, Եգիպտոսի, Իրանի, Հունաստանի, Պերուի և Իրաքի ներկայացուցիչները:
ՀՀ կառավարությունը վերջին տարիներին առաջ է տանում “իրական” Հայատսանի գաղափարը, որը “չեղարկում է” “պատմական” Հայաստանը՝ իր հազարամյա քաղաքակրթությամբ, մշակույթով եւ ազգային խորը արմատներով։ Այս համատեքստում ՀՀ ԱԳՆ-ը ճիշտ կանի չեղարկի «Հնագույն քաղաքակրթությունների» ֆորումը։ Չի կարող Արարատ անունով պատմաբան-նախարարը մի կողմից մերժել պատմությունն ու Արարատը, մյուս կողմից՝ ընդունել «Հնագույն քաղաքակրթությունների» ֆորումի ներկայացուցիչներին։ Ի՞նչ է պատմելու ՀՀ ԱԳՆ-ն, որի կայքից հեռացվել է հայոց քաղաքակրթության մի մասը՝ Արցախը։