«Տականքներ». Պուտինը ԱՄՆ-ին առաջարկեց «մենամարտ»՝ Օրեշնիկով հարվածել Կիևին
- 20:10 19.12.2024
Ռուսաստանի նախագահ Վլադիմիր Պուտինն առաջարկել է ԱՄՆ-ին «21-րդ դարի բարձր տեխնոլոգիական մենամարտ» անցկացնել Կիևի վրա «Օրեշնիկ» հրթիռային հարձակումով: “Ուղիղ գծի” ժանանակ նա ասաց, որ արևմտյան հակաօդային պաշտպանության ուժերը նման հարվածը հետ մղելու հնարավորություն չունեն։ Այս կարծիքի հետ չհամաձայնողներին նա առաջարկեց «տեխնոլոգիական փորձարկում» անել. «Եթե արևմտյան փորձագետներն այդպես են կարծում (որ Օրեշնիկի հարձակումը կարելի է հետ մղել-Խմբ.), ապա թող առաջարկեն մեզ և նրանց, ովքեր իրենց վճարում են Արևմուտքում, ԱՄՆ, տեխնոլոգիական փորձ, 21-րդ բարձր տեխնոլոգիական մենամարտ։ Թող կործանման ինչ-որ թիրախ հայտնաբերեն, ասենք, Կիևում, այնտեղ կենտրոնացնեն իրենց հակաօդային և հակահրթիռային պաշտպանության ողջ ուժերը, և մենք «Օրեշնիկով» կխփենք այնտեղ։ Եվ տեսնենք, թե ինչ կլինի: Մենք պատրաստ ենք նման փորձի։ Պատրա՞ստ է մյուս կողմը” – ասաց նա։ «Կարծում եմ՝ դա օգտակար կլինի և՛ մեզ, և՛ ամերիկյան կողմին»,- հավելեց քաղաքական գործիչը։
Ուկրաինայի նախագահ Վլադիմիր Զելենսկին մեկնաբանել է «ուղիղ գծի» ժամանակ Վլադիմիր Պուտինի հայտարարությունները։
«Տեսնում եք, թե ում հետ գործ ունենք։ Այսօր «Կրեմլից ընկերը» ասաց, որ Ռուսաստանը տեխնոլոգիական մենամարտ է առաջարկում։ Նա ասում է, որ «մենք կխփենք, օրինակ, Կիևում ինչ-որ տեղ «Օրեշնիկով», այս նոր հրթիռով, և թող նրանք հակաօդային պաշտպանություն ստեղծեն»: Իսկ դուք կարծում եք, որ սա ադեկվատ մարդ է։ Պարզապես տականքներ»,- ասել է Զելենսկին Բրյուսելում կայացած մամուլի ասուլիսի ժամանակ։