«Ասադն ինքը Սիրիան հանձնեց ահաբեկիչներին, ինչպես Փաշինյանն ինքը ճանաչեց Ղարաբաղը որպես Ադրբեջանի մաս»

Ռուսաստանը Սիրիայում ցամաքային ուժեր չուներ, այնտեղ միայն երկու ռուսական բազա կար. Երբ զինյալները մոտեցել են Հալեպին, կառավարական զորքերը եւ, այսպես կոչված,. իրանամետ ստորաբաժանումները նահանջել են առանց կռվի։ Այս մասին երեկ ուղիղ գծի ժամանակ հայտարարեց Վլադիմիր Պուտինը։

«Երբ զինված ընդդիմադիր խմբերը մոտեցան Հալեպին, քաղաքը պաշտպանում էր մոտ 30 հազար մարդ։ Քաղաք է մտել 350 զինյալ։ Կառավարական զորքերը և նրանց հետ միասին, այսպես կոչված, իրանամետ ստորաբաժանումները, առանց կռվի նահանջեցին։ Նրանք պայթեցրել են իրենց դիրքերն ու հեռացել»,- ասել է Պուտինը՝ մեկնաբանելով Սիրիայում տեղի ունեցող իրադարձությունները։

Մեկ տարի առաջ Պուտինը մոտավորապես նույն բանն էր ասում Արցախի մասին։ Նա ասաց, որ Ղարաբաղի կարգավիճակը գլխավոր խնդիրն էր, բայց այն բանից հետո, երբ Փաշինյանը ճանաչեց Ղարաբաղը Ադրբեջանի կազմում, ի՞նչ կարող էր անել Ռուսաստանը։

Թե՛ Սիրիայում, թե՛ Արցախում Ռուսաստանը դարձավ մեծ կոնսենսուսի մաս՝ խաղալով ամենակեղտոտ դերը՝ «դաշնակցի» հանձնումը։

Պուտինն ասել է, որ Թեհրանը խնդրել է Մոսկվային օգնել իրանական ուժերի տարհանմանը: Ռուսական կողմը դա արեց՝ Խմեյմիմ բազայից Թեհրան տեղափոխելով իրանական 4 հազար զինծառայող։ Իրանամետ ստորաբաժանումների մի մասն առանց կռվի գնացել է Լիբանան, մի մասն էլ՝ Իրաք։

«Մենք Սիրիա եկանք 10 տարի առաջ, որպեսզի այնտեղ ահաբեկչական անկլավ չստեղծվի, ինչպես Աֆղանստանում։ Ընդհանուր առմամբ, մենք հասել ենք մեր նպատակներին, և նույնիսկ այն խմբերը, որոնք ժամանակին կռվել են Ասադի հետ, նույնպես ներքին փոփոխությունների ենթարկվեցին։ Եվ իզուր չէ, որ այսօր եվրոպական շատ երկրներ և ԱՄՆ-ն ցանկանում են հարաբերություններ հաստատել նրանց հետ»,- հիշեցրեց նա։

Պուտինն, ըստ էության, ասում է, որ նրանք, ում հետ իբր կռվել է Ռուսաստանը, վերադաստիարակվել են և լավն են դարձել։ Ճիշտ այնպես, ինչպես Ադրբեջանը, որն ամեն ինչ ճիշտ արեց, և մեղավորը հենց հայերն են։