Օդի ջերմաստիճանը դեկտեմբերի 20-ին և 21-ին աստիճանաբար կնվազի 3-6 աստիճանով

Դեկտեմբերի 20-ից 24-ը Հայաստանի ողջ տարածքում սպասվում է առանց տեղումների եղանակ, ինչպես նաև ցուրտ ջերմաստիճան։ Այս մասին հայտնում են Հանրապետության հիդրոօդերեւութաբանության և մոնիտորինգի կենտրոնից։

Օդի ջերմաստիճանը, ըստ օդերևութաբանների կանխատեսումների, դեկտեմբերի 20-ին և 21-ին աստիճանաբար կնվազի 3-6 աստիճանով։

Շիրակում դեկտեմբերի 20-ին օդը կտաքանա առավելագույնը +4°C, Կոտայքում` +5°C, Գեղարքունիքում` +3°C, Լոռիում և Արագածոտնում` +6°C, Տավուշում, Արարատում, Արմավիրում և Վայոց Ձորում՝ +9°C, Սյունիքում՝ +11°C:

Երեւանում սպասվում է առանց տեղումների եղանակ, իսկ առավելագույն ջերմաստիճանն այսօր կլինի +8°C։