Գերմանիայում մեքենան մխրճվել է Ամանորյա տոնավաճառի մեջ
- 21:47 22.12.2024
Գերմանիայի Մագդեբուրգ քաղաքում մեքենան մխրճվել է Սուրբ Ծննդյան տոնավաճառի այցելուների ամբոխի մեջ: Զոհվել է 5 մարդ, ավելի քան 200-ը վիրավորվել։
Մահացածների թվում փոքր երեխա կա։
Բերման է ենթարկվել 50-ամյա բժիշկ Սաուդյան Արաբիայից։
Ձերբակալված տղամարդը 2006 թվականից ապրում էր Գերմանիայում և փախստականի կարգավիճակ է ստացել 2016 թվականին, հայտնել են իշխանությունները:
Մագդեբուրգի Սուրբ Ծննդյան տոնավաճառի այցելուների վրա ավտոմեքենայով հարձակում գործած Թալեբ Ա.-ն վերջին տարիներին սոցիալական ցանցերում իր գրառումներում մեղադրել է Գերմանիայի իշխանություններին և ոստիկանությանը «նախկին մահմեդականների» դեմ պայքարելու մեջ և հայտարարել, որ Գերմանիան համագործակցում է Սաուդյան Արաբիայի հետ «Եվրոպան իսլամականացնելու» գործում։
Տղամարդը պնդում էր, որ ինքը ապացույցներ ունի, որ Գերմանիան «ակտիվորեն ոչնչացնում է» Սաուդյան Արաբիայի նախկին մուսուլմանների կյանքը՝ անկախ նրանից՝ նրանք ապրում են Գերմանիայում, թե ոչ, գրում է MDR-ը։