Բաքու-Գրոզնի ինքնաթիռը կարող էր խոցվել ռուսական ՀՕՊ-ի կողմից՝ անօդաչուների հարձակումը հետ մղելիս
- 10:18 26.12.2024
Այն բանից հետո, երբ Բաքվից Գրոզնի թռչող ինքնաթիռն ընկել է գետնին Ակտաու օդանավակայանի մոտ, համացանցում հայտնվեցին մի քանի տեսանյութեր, որոնցում օդանավի վրա երևում էին բազմաթիվ փոքր անցքեր։
Նման անցքեր կարող են առաջանալ հրթիռի մարտագլխիկի հարվածների արդյունքում։
Ակտաուի ավիավթարից փրկված Սուբխոնկուլ Ռախիմովն ասում է, որ օդաչուները երեք անգամ փորձել են ինքնաթիռը վայրէջք կատարել Գրոզնիում, սակայն «երրորդ անգամ ինչ-որ բան պայթել է»։ «Պայթյուն է եղել, չէի ասի ինքնաթիռի ներսում»,- ասում է նա։
Արտաքին ազդեցությամբ վարկածը հաստատվում է նաև այն փաստով, որ մոտավորապես նույն պահին, երբ արտակարգ դեպք է տեղի ունեցել ադրբեջանական ավիաուղիների ինքնաթի հետ, ռուսական հակաօդային պաշտպանությունը հետ էր մղում ուկրաինական անօդաչու թռչող սարքերի հարձակումը, գրում է ВВС-ն։
Ինչպես նշում է Reuters-ը, իշխանությունները դեռ չեն բացատրել, թե ինչու է Կասպից ծովի վրայով թռչող ինքնաթիռը կործանվել Ռուսաստանի հարավում անօդաչու թռչող սարքերի հարվածներից անմիջապես հետո։
Տարածաշրջանում անօդաչու թռչող սարքերի գործունեությունը նախկինում դարձել է օդանավակայանների փակման պատճառ, իսկ ինքնաթիռի թռիչքի ուղու մոտակա ռուսական օդանավակայանը փակվել է չորեքշաբթի առավոտյան: