«Գորշ գոտիներում» վերացվում են քաղաքական հակառակորդներին. Ալիևը գիտի, թե ինչպես է դա տեղի ունենում
- 20:20 29.12.2024
«Ադրբեջանական քաղաքացիական ինքնաթիռը դրսից խոցվել է Ռուսաստանի տարածքում՝ Գրոզնի քաղաքի մոտ և գործնականում կորցրել է կառավարումը։ Մենք նաև գիտենք, որ մեր ինքնաթիռը անկառավարելի է դարձել էլեկտրոնային պատերազմի պատճառով: Սա ինքնաթիռին պատճառված առաջին վնասն էր»,- այսօր ասել է Ալիեւը։
Նա հետաքրքրվեց, թե «որքանո՞վ է էլեկտրոնային պատերազմն ազդել ինքնաթիռի կառավարման վրա»։
Բաքուն Մոսկվայից պահանջում է ընդունել մեղքը, պատժել մեղավորներին և փոխհատուցում վճարել, ասել է Ալիևը՝ մեկնաբանելով Ակտաուում ադրբեջանական ինքնաթիռի կործանումը։
Պուտինն արդեն ներողություն է խնդրել Ալիևից, թեև ոչինչ չի ասել էլեկտրոնային պատերազմի միջոցների մասին։ Մինչդեռ այս հարցը դառնում է ամենահրատապը։
Հենց այսօր Հարավային Կորեայում ինքնաթիռ է կործանվել, ինչի հետևանքով զոհվել է ավելի քան 170 մարդ։ Երեք այլ ինքնաթիռներ արտակարգ վայրէջքներ են կատարել աշխարհի տարբեր ծայրերում՝ կապի խանգարումների պատճառով։
Նույն անհասկանալի պատմությունը եղել է մի քանի ամիս առաջ Իրանի նախագահի ուղղաթիռի հետ, որն, ի դեպ, “գորշ գոտու” վերածված Արցախի օկուպացված տարածքներում հանդիպել էր Ալիևի հետ։ Հանդիպումից հետո ուղղաթիռի հետ կապը կորել է, և այն կործանվել է։
Իրանը այն ժամանակ Ալիևից ներողություն չպահանջեց և նրան չմեղադրեց իր վերահսկողության տակ գտնվող տարածքում ինքնաթիռների հետ կապը խափանելու մեջ։ Համաշխարհային լրատվամիջոցներն այն ժամանակ նույնպես չզարգացրեցին թեման, այլապես պարզ կդառնար, որ երեք տարի առաջ օկուպացված արցախյան տարածքներում գործում են էլեկտրոնային պատերազմի հզոր համակարգեր, ընդ որում՝ իսրայելական։
Իսկ ավելի վաղ անսպասելիորեն վթարի էր ենթարկվել Եվգենի Պրիգոժինն ու նրա Վագների ընկերները տեղափոխող ինքնաթիռը, դարձյալ կապի հետ խնդիր կար։
Էլեկտրոնային պատերազմը դառնում է գորշ գոտիներում խաղաղ բնակիչների մահվան պատճառ և քաղաքական հակառակորդներին վերացնելու միջոց։ Դրա դեմ պայքարելու միակ միջոցը գորշ տարածքների “համատեղ” կառավարումն է:
Կկարողանա՞ն Ալիևն ու Պուտինը «պայմանավորվել». եւ ո՞րն է լինելու նոր գործարքի գինը։