Ալեն Սիմոնյանի “իրական” Հայաստանի վտանգը․ իրականությունը միշտ հակված փոխվել

ՀՀ ԱԺ նախագահ Ալեն Սիմոնյանը թելեգրամյան իր ալիքում ԱԺ-ից լուսանկար է հրապարակել, որտեղ երևում է պատին փակցված քարտեզ։ Քարտեզը վերջին ժամանակներս  ՀՀ վարչապետ Նիկոլ Փաշինյանի կողմից առաջարկվող այն մակետն է,  որը Փաշինյանի կողմից ներկայացվում է որպես ՀՀ քարտեզ։

Ալեն Սիմոնյանը նկարին կից գրել է․ «Այսուհետ իրական Հայաստանի քարտեզն՝ ԱԺ նիստերի դահլիճում»։

ՀՀ իշխանության եկած խմբավորումը “իրական է” համարում է այնքան Հայաստանը, որքան դեռ նրանց թույլ են տալիս վերահսկել։ Եթե չենք կարող պահել, պաշտպանել, դա իրական չէ՝ այսպիսին է իշխող խմբավորման կրեդոն։

Բայց դա շատ խոցելի մոտեցում է․ “իրականությունը”, որը ամրապնդված չէ իրավունքով, հակված է անընդհատ փոխվել՝ ի շահ իրավունքի ուժը գիտակցողի։

Այնպես որ, Ալեն Սիմոնյանը շտապել է․ մոտակա օրերին իրական Հահաստանի քարտեզը կրկին կարող է փոխվել։ Նոր քարտեզն, ասենք, առանց Մեղրիի, եւս կլինի “իրական”։ Ալեն Սիմոնյանը հո ամեն անգամ նոր քարտեզ չի՞ պատվիրելու։