Թոշակները չեն բարձրանա, բայց լավ է, որ գյուղերը առանց ռազմական գործողությունների հանձնեցինք
- 12:52 03.01.2025
Հայկական ԶԼՄ-ները նկատել են, որ այս տարի պետական բյուջեն ներկայացնելիս Նիկոլ Փաշինյանն ոչ մի թիվ չհիշատակեց, սակայն հայտնի է դարձել, որ նվազագույն աշխատավարձը, կենսաթոշակները եւ նպաստները չեն ավելանա։ Զուգահեռ պարզվել է, որ կավելանա Երեւանի տրանսպորտի գինը, զգալի կաճի հարկային բեռը։ Կոմունալ ծառայությունների գինը վերջին պահին չավելացրին։
Ինչպես հայտնի է, ապրիլից կդադարի նաեւ արցախցիներին տրամադրվող 50 հազար դրամ աջակցությունը՝ բացառությամբ առանձին խմբերի։ Միջպետական պարտքը ավելանում է, եւ կառավարությունը հայտարարում է հարկային եկամուտների թերի հավաքագրման մասին։
Տնտեսական ծանրությունը ամեն մարդ զգում է սեփական կաշվի վրա։ Կառավարությունը, որը տնտեսությունն ու «հարստանալը» իր առաջնահերթություն է համարում, չի ճանաչում սեփական սխալները նաեւ այս ոլորտում։ Իշխանամետ շրջանակներում ասում են, որ կարեւոր ձերքբերումը՝ 2024-ն առանց ռազմական գործունեությունների անցկացնելն է։
Այո, 2024-ին չեն կրակել, սակայն Տավուշում պատերազմի սպառնալիքով հանձնվել են 4 գյուղեր։ Ամբողջ 2024-ը կառավարությունը ամեն ջանք գործադրում էր, որ Արցախը մոռացվի, դրա հետ էլ՝ կառավարության պարտությունը։ Եւ ստացվում է, որ ոչ տնտեսական, որ անվտանգային առումով հետընթաց է։
Տարվա վերջին Հայաստանում արդեն բաց տեքստով սկսեցին խոսալ «ադրբեջանցիների վերադարձի իրավունքի» մասին։ Իսկ տարվա գրեթե վերջին օրը կայացավ բանակցություններ Թուրքիայի հետ՝ ճանապարհները բացելու շուրջ։ Բայց միայն “երրորդ երկրների” համար։
Հայաստանում 2024-ի մասին պարադոքսալ գնահատականներ են հնչում։ Տարվա վերջին Երեւանի քաղաքապետ Ավինյանի հայրը «առանձնացավ» սովորական մարդկանց հասցեյին արհամարհական արտահայտություններով՝ նա Օպել քշողներին “համբալ” անվանեց։ Ավինյանի հոր բազմաթիվ պաշտպանները հիշեցրեցին Քոչարյանի «ախրանայի» կողմից սպանված Պողոս Պողոսյանի պատմությունը։ Նրանք ասացին, որ Պողոսյանը, գուցե, կգերադասեր, որ նրա վրա թքեին, ինչպես Ալեն Սիմոնյանն է արել, եւ «համբալ» ասեին, ինչպես Ավինյանի հայրը։
Ահա այսպիսի պարադոքս․ ժամանակակից Հայաստանի երիտասարդները կգերադասեն, որ պատերազմ չլինի, եւ գյուղերը առանց կռվի հանձնենք, իշխանություններն էլ ոչ թե մինչեւ մահ ծեծեն հակառակորդներին, այլ թքեն եւ համբալ անվանեն։