Նոր տարվա 4 օրերին Հայաստանում արձանագրվել է ճանապարհատրանսպորտային 35 պատահար, 56 մարդ ստացել է վնասվածքներ
- 15:25 03.01.2025
Ամանորյա չորս օրերի ընթացքում Հայաստանում արձանագրվել է ճանապարհատրանսպորտային 35 պատահար, 56 մարդ ստացել է տարբեր աստիճանի մարմնական վնասվածքներ, ասվում է ՀՀ ՆԳՆ ոստիկանության օպերատիվ հաղորդագրությունում։
2024 թվականի դեկտեմբերի 30-ից 2025 թվականի հունվարի 3-ն ընկած ժամանակահատվածում բացահայտվել է 197 հանցագործություն։
Մասնավորապես՝ թմրամիջոցների հայտնաբերման՝ 32, խարդախության 28, թմրամիջոցների և հոգեմետ նյութերի մաքսանենգության՝ 21, մարմնական վնասվածք հասցնելու և ֆիզիկական միջամտության՝ 20, առանց վարորդական իրավունքի կամ այս իրավունքից զրկված մեքենա վարելու՝ 19, 16 դեպք հոգեկան ներգործության, խուլիգանության՝ 14, անձնական ունեցվածքի գողության՝ 11, գույքը ոչնչացնելու կամ վնասելու՝ 6, սահմանի ապօրինի հատման 4 և մի շարք այլ իրավախախտումների դեպքեր։
Բացահայտվել է 17 հետախուզվող, նրանցից 6-ը ինքնակամ ներկայացել են։ Հայտնաբերվել է 1 անհետ կորած։