«Դա ես չեմ, Պուտինն է»,- Լուկաշենկոն ներողություն է խնդրել Զելենսկիից և առաջարկել հարվածել Բելառուսին
- 11:43 06.01.2025
Ուկրաինայում ռուսական լայնամասշտաբ ներխուժման երկրորդ կամ երրորդ օրը Ալեքսանդր Լուկաշենկոն զանգահարել է Ուկրաինայի առաջնորդ Վլադիմիր Զելենսկիին և ներողություն խնդրել նրանից՝ պնդելով, որ նա ոչինչ չի կարող անել Բելառուսի տարածքից Ուկրաինա ռուսական հրթիռների արձակման դեմ։ Այս մասին Ուկրաինայի նախագահը խոսել է ամերիկացի փոդքասթեր Լեքս Ֆրիդմանի հետ զրույցում։
«Նա ինձ ասաց. «Հավատա ինձ, Վոլոդյա, դա ես չեմ […] Ես դա չեմ վերահսկում, դա պարզապես հրթիռներ են, դա Պուտինն է», – ասաց այն ժամանակ Բելառուսի բռնապետը:
Ուկրաինայի առաջնորդը Լուկաշենկոյին անվանել է նույն մարդասպանը, ինչ Պուտինը և հարցրել է, թե ինչպես է թույլ տվել Բելառուսից հրթիռներ արձակել Ուկրաինա: Բռնապետը պատասխանել է, որ «չի կարելի կռվել ռուսների հետ», իսկ հետո առաջարկել է Ուկրաինային հարձակվել Բելառուսի Մոզիրի նավթավերամշակման գործարանի վրա։ «Հարվածեք նավթավերամշակման գործարանին։ Դուք գիտեք, թե դա ինչ նշանակություն ունի ինձ համար»,- ասել է նա Ուկրաինայի նախագահին:
Այսպիսի բարքեր են տիրում “սովետական” հողական պախանատում․ Լուկաշենկոն ամեն առիթով իզուր չէ օգտագոծում наклонить բառը։