Երկրաշարժ Տիբեթում. իշխանությունները հայտնում են տասնյակ զոհերի մասին

Տիբեթի բարձրլեռնային շրջաններից մեկում ուժեղ երկրաշարժի հետեւանքով ավելի քան 50 մարդ է զոհվել, հայտնում են չինական լրատվամիջոցները։ Ցնցումների հետեւանքով, ըստ նրանց, փլուզվել են բազմաթիվ շենքեր։

«Երեքշաբթի կեսօրին 6,8 մագնիտուդ ուժգնությամբ երկրաշարժ է տեղի ունեցել Սիզանգի ինքնավար շրջանի Շիգաջի քաղաքի Տինգրի շրջանում, ինչի հետևանքով զոհվել է 53 մարդ, վիրավորվել՝ 62-ը», – հայտնում է Սինհուան՝ վկայակոչելով Տարածաշրջանային աղետների կառավարման շտաբը:

Չինաստանի սեյսմոլոգիական ցանցի կենտրոնը (CENC) հայտնել է, որ 6,8 մագնիտուդով երկրաշարժ է տեղի ունեցել տեղական ժամանակով առավոտյան ժամը 9-ին Չինաստանի Տիբեթի ինքնավար մարզում՝ Նեպալի հետ սահմանի մոտ։