“Փաշինյանն իր հայտարարություններով ծանրացրել է Ռուբեն Վարդանյանի գործը”
- 17:02 07.01.2025
«Նիկոլ Փաշինյանի կողմից ոչ միայն խոսք չի գնում Բաքվում պահվող Արցախի ռազմաքաղաքական ղեկավարության մասին, այլ ընդհակառակը, այնպիսի ապազգային, հակահայկական եւ անբարոյական հայտարարություններ է անում, որի հետեւանքով այնտեղ գտնվող մեր ռազմաքաղաքական ղեկավարության քրեական գործերն ավելանում են»,- այսօր լրագրողների հետ ճեպազրուցյում ասաց ԱԺ պատգամավոր գառնիկ Դանիելյանը։
Նա հավելեց․ «Պատահական չէ, որ Բաքվից հայտարարություններ են հնչեցին ի պատախան Նիկոլ Փաշինյանի հայտարարության, որ ասում է՝ հլա պետք է Ռուբեն Վարդանյանը պատասխան տա, թե ինչ էր անում Արցախում։ Այսօր, հիմք ընդունելով այդ հայտարարությունները, Բաքվում քրեական գործեր են ավելացնում այնտեղ գտնվող ռազմաքաղաքկան ղեկավարության վրա։ Եվ այսօր իմացանք, որ հունվարի 17-ին արդեն տեղի են ունենալու այդ դատավարությունները, որը մեր բոլորիս ամոթն է։ Սա մեզ համար խայտառակ մի իրավիճակ է»։
Գառնիկ Դանիելյանն ասաց, որ իր հարցերին, թե ի՞նչ է արել արտգործնախարարությունը Բաքվի բանտերում գտնվող անձանց ազատելու ուղղությամբ, չեն պատասխանել։ «Մեկ նախադասություն գտեք, թե այս իշխանություններն ինչ են արել այնտեղ պահվող մեր ռազմաքաղաքական ղեկավարության ու ռազմագերիների ազառ արձակման համար։ Այս պատասխանատվությունն ամբողջությամբ ՀՀ իշխանության ուսերին է, իրենց թեթեւ ձեռամբ է ավելանում այդ քրեական գործերի ծավալը»,- նշեց նա։