Լոս Անջելեսում այրված հայտնիների ապարանքները և Փասադենայում հայկական դպրոցը

Լոս Անջելեսի հրդեհն արդեն անվանվել է ամենաավերիչը շրջանի ժամանակակից պատմության մեջ: 24 ժամվա ընթացքում հրդեհները այրել են մոտ 22 քառակուսի մղոն (57 քառակուսի կիլոմետր) և հասել Հոլիվուդի բլուրներ:

Պաշտոնական տվյալների համաձայն՝ խոշոր հրդեհների հետևանքով զոհվել է առնվազն հինգ մարդ։

Լոս Անջելեսի կենտրոնից արևմուտք կրակը հողին է հավասարեցրել Խաղաղ օվկիանոսի Պալիսադեսի շրջանի ամբողջ թաղամասերը՝ ավերելով ավելի քան 1000 շենք, այդ թվում՝ Մալիբուում հոլիվուդյան հայտնիներ Էնթոնի Հոփքինսի, Բեն Աֆլեքի, Թոմ Հենքսի, Մարկ Հեմիլի, Ադամ Բրոուդիի, Սպենսեր Փրատի, Ջեյմսի Վուդսի, Փերիս Հիլթոն և Լեոնարդո Դի Կապրիո տները։

Անտառային հրդեհների վնասը նախնական գնահատվում է 52-57 մլրդ դոլար, հայտնում է Reuters-ը։

Ավելի վաղ Բայդենը Կալիֆորնիայում աղետի վիճակ էր հայտարարել։

Փասադենայում՝ ամենաշատ տուժած շրջաններից մեկում հրդեհից և փոթորիկ քամիներից մինչև 500 շինություններ վնասվել կամ այրվել են: Այրվածների թվում է 1980 թվականին հիմնադրված «Սահակ-Մեսրոպ» հայկական դպրոցը։