Ահա թե ինչու են տրանսպորտային QR-կոդերի ժամկետւ կրճատել մինչեւ 4 օր
- 09:55 10.01.2025
«Երևանի ավտոբուս» ՓԲԸ-ի կողմից 2025 թվականի հունվարի 1-ից 7-ը ներառյալ հավաքագրվել է 90,990,000 ՀՀ դրամ։ Այս մասին հայտնել է քաղաքապետարանի մամուլի խոսնակ Հայկ Կոստանյանը:
“Համեմատության համար նշեմ, որ 2024 թվականի նույն ժամանակահատվածում հավաքագրված գումարը կազմել է 75,213,900 ՀՀ դրամ»,- հայտնել է նա։
Ահա թե ինչու է քաղաքապետարանը QR-կոդերի ժամկետը 30 օրից կրճատել մինչեւ 7, ապա՝ 4 օր։ Մարդիկ տոմս են գնում, չեն կարողանում կամ չեն հասցնում օգտագործել, նորն են գնում, իսկ քաղաքապետարանը եկամուտը կրկնապատկում է։
Նման “շուստրիությամբ” քաղաքապետարանը Երեւանի օրինապաշտ քաղաքացիների մոտ սերմանում է առանց տոմսի երթեւեկելու մշակույթ։ Կարելի է ենթադրել, որ հաջորդ շաբաթ թվերը 90 միլիոնից շատ ավելի ցածր կլինեն, քանի որ մարդիկ տոմս առնելու իմաստ չեն տեսնի։