Ինչ փոփոխություններ է նախատեսում Կառավարությունը արցախցիների բնակապահովման ծրագրում

ՀՀ Կառավարության կողմից հանրային քննարկման ներկայացված Բնակապահովման ծրագրի փոփոխությունների հերթական նախագծով՝

1) Անշարժ գույքի բնակմակերեսի նկատմամբ կիրառվող սահմանաչափն ընտանիքի յուրաքանչյուր անդամի հաշվով նվազեցվում է 3 քմ-ով՝ սահմանելով 9 քմ.(նախկինում՝ 12 քմ-ի փոխարեն)։

2) Գործող հիփոթեքային վարկի մարման աջակցության բաղադրիչից կարող են օգտվել նաև 2024 թվականի մայիսի 16-ից հետո, բայց մինչև 2024 թվականի դեկտեմբերի 31-ը ներառյալ ձևակերպված հիփոթեքային վարկ ունեցողները (նախկինում չէր տրամադրվում)։

3) Եթե հիփոթեքային վարկը տրամադրվել է 2024 թվականի մայիսի 16-ից հետո, ապա աջակացությունն ընտանիքի յուրաքանչյուր անդամի հաշվով կազմում է 3 մլն դրամ։

4) Գործող հիփոթեքային վարկի մարման աջակցության բաղադրիչից օգտվելու դեպքում անշարժ գույքի բնակմակերեսի սահմանաչափը չի կիրառվում։

5) Ծրագրի 1-ին փուլից կարող են օգտվել ցանկացած այլ կազմով ընտանիքները, որոնք ի լրումն ծրագրով նախատեսված հավաստագրի՝ անշարժ գույքի արժեքի առնվազն 30 տոկոսի չափով լրավճար կկատարեն (նոր է ավելացվել) կամ հավելյալ հիփոթեքային վարկ կստանան ծրագրի ցանկացած բաղադրիչով (նախկին պարտադիր 50 տոկոսի փոխարեն)։

6) Ծրագրի 2-րդ (2 երեխա ունեցող ընտանիքների համար) և 3-րդ փուլերը (1 երեխա ունեցող ընտանիքների համար) մեկնարկել համապատասխանաբար 2025 և 2026 թվականների հուլիսի 1-ից։