Ֆրանսիայի դեսպան․ «խաղաղությունն» ու ՀՀ տարածքային ամբողջականությունը նույնը չեն
- 11:03 14.01.2025
Հայաստանում Ֆրանսիայի դեսպան Օլիվիե Դըկոտինյին hունվարի 13-ին խաղաղություն մաղթեց Հայաստանին՝ նշելով, որ բառերը բավարար չեն խաղաղության հասնելու համար, ուստի ինքը ևս մեկ անգամ վերահաստատում է Ֆրանսիայի հանձնառությունը Հայաստանի խաղաղությանը։
«Սա տարածաշրջանում երկարատև և արդարացի խաղաղության հանձնառություն է, բայց նաև հանձնառություն է Հայաստանի կողքին լինելու, պահպանելու նրա տարածքային ամբողջականությունն ու անձեռնմխելիությունը»,-եզրափակեց Օլիվիե Դըկոտինյին։
Դիվանագիտական լեզվից թարգմանելով, կարելի է ասել, որ Ֆրանսիան տեսնում է «երկարատեւ խաղաղության» եւ Հայաստանի «տարածքային ամբողջականության ու անձեռնմխելիության» հակասությունը։ Դեսպանը հավաստիացնում է, որ իր երկիրը պատրաստ է ինչ-որ քայլերի՝ Հայաստանի «տարածքային ամբողջականությունն ու անձեռնմխելիությունը» ապահովելու համար։
Պարզ չէ, թե ինչ կանի Ֆրանսիան, եթե Հայաստանի կառավարությունը գնա «խաղաղության»՝ խախտելով սեփական «տարածքային ամբողջականությունը»։