Ահա թե ինչի համար են արդարադատության նոր նախարար նշանակել
- 12:53 14.01.2025
ՀՀ արդարադատության նորանշանակ նախարար Սրբուհի Գալյանը հայտնել է նոր Սահմանադրություն մշակելու անհրաժեշտության մասին։
«Ինչպես արդեն քանիցս հայտնել եմ, մեր խնդիրը մինչեւ ընտրությունները նոր Սահմանադրության տեքստ ունենալն է, մեր աշխատանքները պետք է վարվեն այս ուղղությամբ»,- հայտնել է նախարարը հունվարի 14-ի մամուլի ասուլիսում։
Հիշեցնենք, որ փորձագետների կարծիքով՝ պատճառներից մեկը Բաքվի՝ Սահամանդրության տեքստից Անկախության հռչակագրի հղումը եւ Լեռնային Ղարաբաղի հիշատակումը, Հայոց ցեղասպանության միջազգային ճանաչումը հանելու պահանջն է։
Նրա խոսքով՝ «թավշե հեղափոխությունից» անմիջապես հետո բարձրացվել է նոր Սահմանադրության հարցը, նույնիսկ հայեցակարգ է ստեղծվել, բայց աշխատանքը տրամաբանական արդյունքի չի հանգեցրել։ Որպես նոր նախարար՝ կարծում եմ, որ անհրաժեշտ է մշակել նոր Սահմանադրության նախագիծ, որին ժողովուրդը կարող է հավանություն տալ կամ չհավանել, նշել է Գալյանը։ Նախարարի կարծիքով՝ գործող Սահմանադրությունը չի տալիս սոցիալական նշանակության հարցերի պատասխանը եւ բնավ կապված չէ արտաքին քաղաքականության հետ։
Միաժամանակ, նախարարն ընդգծել է, որ խաղաղ գործընթացի հետ կապված Սահմանադրության փոփոխությունների կարիք չկա, եւ հարցը փակված է։ Նա հրաժարվել է խոսել այն մասին, թե արդյոք Անկախության հռչակագրի հղումը կմնա նոր Սահմանադրության մեջ՝ պարզաբանելով, որ խումբ է աշխատելու տեքստի վրա, եւ աշխատանքները շուտով կսկսվեն։
«Սահմանադրության այսօրվա տեքստը չի խոչընդոտում խաղաղ գործընթացին։ Այս մասին հայտնել է նաեւ Սահմանադրական դատարանը։ Ամեն ինչ պարզ է. Սահմանադրությունը փոխելու կարիք չկա ընկալվող խնդրի պատճառով»,- ասել է Գալյանը։
Հիշեցնենք, որ Արդարադատության նախկին նախարար Գրիգորի Մինասյանն ազատվել էր աշխատանքից անմիջապես այն բանից հետո, երբ հայտարարեց, որ նոր Սահմանադրությունը կարող է ընդունվել միայն 2027 թվականին՝ 2026 թվականի ընտրություններից հետո։ Դեռ այն ժամանակ պարզ էր, որ արդարադատության նոր նախարարի հիմնական խնդիրը լինելու է նոր Սահմանադրության ընդունումը, այլ կերպ ասած՝ Երրորդ Հանրապետության լուծարումը։ Նոր Սահմանադրությունը՝ նոր ընտրություններում Փաշինյանի կառավարության “հաղթելու” նախապայմանն է։