Սիրիայի իշխանությունները խզել են Ռուսաստանի հետ Տարտուս նավահանգստի կառավարման պայմանագիրը
- 16:33 22.01.2025
Սիրիայի իշխանությունները խզել են Ռուսաստանի հետ Տարտուս նավահանգստի վարձակալության պայմանագիրը, որը ստորագրվել էր 2019 թվականին 49 տարով։
Պայմանագրի համաձայն՝ Ռուսաստանը պարտավորվել է 500 մլն դոլար ներդնել նավահանգստի զարգացման համար։ Սակայն, ինչպես հունվարի 19-ին հայտնել է Al-Watan-ը, սիրիական իշխանությունները պնդում են, որ Ռուսաստանը չի կատարել իր պարտավորությունները։
Այժմ նավահանգստից ստացվող ողջ եկամուտը գնում է սիրիական բյուջե։
Բաշար ալ-Ասադի վարչակարգի տապալումից հետո ռուսական նավերը արգելափակվել են նավահանգստի մոտակայքում և չեն կարողանում տարհանել 1970-ականներից գոյություն ունեցող ռազմաբազայից հարյուրավոր կոնտեյներներ, որոնք սարքավորումներ են պարունակում։