ԱՄՆ-ը պատրաստ է իջեցնել նավթի գները մինչև $40. Թրամփի խորհրդական
- 19:13 23.01.2025
ԱՄՆ նորընտիր նախագահի խորհրդական Ռոբերտ Ուիլկին BBC Radio 4-ին ասել է, որ նոր վարչակազմը մտադիր է կտրուկ ավելացնել նավթի մատակարարումները համաշխարհային շուկա՝ գներն իջեցնելու համար մինչև 40 դոլար մեկ բարելի դիմաց։ «Միացյալ Նահանգների ներկայությունը նավթի համաշխարհային շուկայում կնվազեցնի գինը, և դա կսնանկացնի Ռուսաստանի տնտեսությունը։ Սա անհավանական ճնշում կգործադրի Պուտինի պատերազմական տնտեսության վրա»,- ասել է Ուիլկին։
Շատերն ասում են, որ ԱՄՆ-ն չի կարող ազդել Ռուսաստանի վրա ուկրաինական հարցում, քանի որ չի համարձակվի ռազմական հարված հասցնել։ Այնուամենայնիվ, Թրամփի վարչակազմն ավելի ու ավելի է խոսում տնտեսական «խեղդամահության» մասին. եթե դեմոկրատները՝ Բայդենի գլխավորությամբ, ընդունում էին պատժամիջոցներ, որոնք Ռուսաստանը շրջանցեց կամ հաղթահարեց, ապա Պուտինն իսկապես չի կարողանա հաղթահարել 40 դոլար արժողությամբ նավթը: