Չսպանված արջի մաշկը. ինչպես են բաժանում Բելառուսը
- 19:32 26.01.2025
Ալեքսանդր Լուկաշենկոն, ով այսօր մտադիր է վերընտրվել ևս մեկ ժամկետով, հայտարարել է, որ Լեհաստանը Բելառուսի տարածքից նույնիսկ մեկ մետր չի ստանա։
«Մենք և դուք (լեհերը – խմբ.) երկար տարիներ ապրել ենք միասին։ Վատ, լավ, օգնելենք իրար, հետո ինչ-որ բան եղավ, նշանակություն չունի։ Այսօր դուք պնդում եք, եւ ոչ միայն լրագրողներից ենք հայտարարություններ լսում արևմտյան Բելառուսի հավակնությունների մասին, Արևմտյան Ուկրաինայի… Դուք հասկանում եք, որ մեզանից նույնիսկ մի մետր տարածք չեք ստանա։ Սա մեր տարածքն է»,- կիրակի օրը Մինսկում լրագրողներին ասել է Լուկաշենկոն։ «Ուզու՞մ եք Կալինինգրադի գործերը կարգավորել: Ես ձեզ խորհուրդ չեմ տալիս դա անել, դուք հասկանում եք, որ դա անհնար է»,- հավելել է Լուկաշենկոն։
Այն, որ 2025 թվականի ընտրություններից հետո Բելառուսը կարող է դառնալ որոշ եվրոպական երկրների մեջ բաժանման առարկա, քննարկվում է ոչ միայն Լեհաստանում։ Լուկաշենկոն և Պուտինը, իհարկե, «կպայքարեն» այն բանի համար, որ Եվրոպայի կենտրոնում մնա գրեթե «գորշ» գոտի։ Սակայն աշխարհի մեծ բաժանման շրջանակներում Բելառուսի ճակատագիրը կարող է կախված լինել ոչ միայն Լուկաշենկոյից ու Պուտինից։