Տեղի է ունեցել «HATERK FOOD» -ի առաջին մասնագիտացված խանութի բացումը
- 13:33 27.01.2025
Հունվարի 26-ին տեղի է ունեցել «HATERK FOOD» -ի առաջին մասնագիտացված խանութի բացման արարողությունը։
Միջոցառմանը բացման խոսքով ելույթ է ունեցել «HATERK FOOD»-ի հիմնադիր Սամվել Միրզախանյանը, «HATERK FOOD» -ի գործունեությանն աջակից անհատներ։
Հայրենի գյուղը՝ Հաթերքը, ճանաչելի դարձնելու ցանկությունը ամենամեծ մոտիվացիան էր «Հաթերք ֆուդ»-ը ստեղծելու։ Գործունեության յոթ տարվա ընթացքում ընտանեկան ջանքերով ստեղծված բիզնես գործունեության արդյունքում արտադրվել է 25 տեսակ բնական մեղր։ «Հաթերք ֆուդ»-ը նաև բազմիցս արժանացել է միջազգային մրցանակաբաշխությունների և ոսկե մեդալների։ «Հաթերք ֆուդ»-ի հիմնադիր Սամվել Միրզախանյանի խոսքով Արցախի պատմական գյուղը՝ Հաթերքը նաև մեղրի արտադրությամբ ճանաչելի դարձնելու իրենց գործում քիչ հաջողություններ չի ունեցել, բրենդի շնորհիվ հազարավոր զբոսաշրջիկների է գյուղը հյուրընկալել:
«Պատերազմից հետո հայրենի գյուղի հետ կապված բոլոր երազանքներն ու նպատակները մնացին երազանք, չնայած դժվարություններին՝ հիմա առավել մեծ ջանքերով ենք աշխատում՝ մտքում, սրտում փայփայելով մեծ երազանքը՝ հայրենիք, հայրենի գյուղ վերադառնալու»-իր խոսքում նշել է Սամվել Միրզախանյանը: