Ինչո՞ւ է Փաշինյանը սրում իրավիճակը. դա այն չէ, ինչ դուք մտածում էիք
- 14:15 27.01.2025
Ժողովրդավարության բաստիոն՝ Նիկոլ Փաշինյանի իշխանության համար, կարծես թե, չափազանց կարևոր է ստեղծել մի իրավիճակ, որը թույլ կտա հաղթել հաջորդ ընտրություններում։ Սակայն Փաշինյանի ամենօրյա հայտարարություններն ու քաղաքականությունը միայն սրում են իրավիճակը և նվազեցնում նրա համախոհների թիվը։ Ինչու՞ է դա անում Փաշինյանը։
Շատերը կարծում են, որ Փաշինյանը, բարձրացնելով հարկերը, տրանսպորտի սակագինը և միաժամանակ ջարդելով ազգային «կարծրատիպերը», փորձում է ժողովրդական ընդվզում առաջացնել՝ հետագա գործողությունների և պետության փլուզման պատասխանատվությունը իրենից թոթափելու համար։ Ամեն անգամ նա բարձրացնում է ջերմաստիճանը՝ կոտրելով ազգային մատրիցը, «հույս ունենալով», որ հեղափոխություն» կլինի։
Բայց ամեն ինչ այնպես չէ, ինչպես կարծում էիք։ Հայոց ազգային պետականության գոյության բոլոր հիմքերին միաժամանակ հարվածելու մտածված քաղաքականությունը միտված է ստեղծելու անսահման թվով ճակատներ, որպեսզի հասարակությունը չիմանա, որտեղ կառուցել պաշտպանական կառույցներ։ Երբ ամեն ինչ միաժամանակ ցավում է, մարդը կորցնում է իմունիտետը։
Ստեղծվում է իրավիճակ, կարծես շուրջը ամեն ինչ փլվվում է, ինչը մարդկանց ստիպում է ընտրել «ընտանեկան» առաջնահերթությունը, որն ավելի մոտ է եւ ավելի հեշտ պաշտպանել։ Դրա համար էլ բողոքի ակցիաներ են անցկացվում տրանսպորտի գների և հարկերի հարցով, բայց Նիկոլ Փաշինյանի կողմից Ցեղասպանության ժխտման և Արցախից լիակատար հարաժարվելու հարցով բողոքներ չկան։ Մարդիկ միաժամանակ չեն կարող եւ իրենց գրպանի մասին մտածել, եւ ազգային մատրիցը պաշտպանել։
Ազգային իմունիտետի նման աստիճանի փլուզման դեպքում հայ ժողովրդի հետ ամեն ինչ կարելի է անել՝ փոխել Սահմանադրությունը, հրաժարվել Հանրապետությունից, համաձայնվել «միջանցքին», մարդկանց զրկել կենսագրությունից։ Այս մեթոդը փորձարկվեց արցախցիների վրա, որոնց հիմա ասում են, որ պետք է 35 տարին ջնջեն իրենց կյանքից և մոռանան իրենց կենսագրությունը։ Հիմա նույն բանն արվում է մնացած Հայաստանում։
Ոչ թե նախահեղափոխական իրավիճակ է ստեղծվում, այլ փլուզման նախապատրաստություն է իրականացվում, բացառելով դիմադրությունը։
Նաիրա Հայրումյան