Հայաստանը հրաժարվել է Շվեյցարիայում Արցախի հարցով համաժողովի առաջարկից․ ապացույց
- 20:43 27.01.2025
Շվեյցարիայի ԱԳ նախարար Ինյացիո Կասիսը
“Հայաստան” խմբակցության պատգամավոր Քրիստինե Վարդանյանը Ֆեյսբուքի իր էջում հայտնել է, որ “անցած տարվա դեկտեմբերին Շվեյցարիայի Դաշնային խորհուրդը (խորհրդարանի ստորին պալատը) 96 կողմ, 80 դեմ և 16 ձեռնպահ ձայների հարաբերակցությամբ ընդունել է բանաձև, որը երկրի կառավարությանը կոչ է անում 2025 թ. հրավիրել միջազգային խաղաղության համաժողով՝ որտեղ պետք է քննարկվեր «Լեռնային Ղարաբաղի հայերի անվտանգության և հավաքական վերադարձի իրավունքին» վերաբերող հարցեր”։
Նա հրապարակել է այդ ժամանակ ելույթ ունեցած Շվեյցարիայի ԱԳ նախարար Ինյացիո Կասիսը խոսքերը. «Ոչ Հայաստանը, ոչ Ադրբեջանը չեն ցանականում այս համաժողովի անցկացումը»։
Պատգամավորը նկատել է, որ հայկական մամուլում լուրը տարածվեց, իբրև Շվեյցարիայի կառավարություն ցանկության բացակայության պայմաններում է մերժվել նախաձեռնությունը։ Մինչդեռ նախարարը համաժողովի չանցկացումը հիմնավորեց ոչ թե Շվեյցարիայի դիրքորոշմամբ, այլ Հայաստանի և Ադրբեջանի պաշտոնյանների կողմից նման համաժողով անցկացնելու ցանկության բացակայությամբ, նշելով, որ այդ պարագայում եթե իրենք պնդեն համաժողովի անցկացման մասին, դա անգամ կարող է դիտվել որպես ապակառուցողական քայլ։
Փաստորեն, հրաժարվելով Ադրբեջանի հետ բանակցություններում քննարկել արցախահայերի իրավունքների պաշտպանությանն առնչվող հարցերը, գործող իշխանությունները հետևողականորեն խոչընդոտում են դա անել նաև միջազգային գործընկերներին, ասել է պատգամավորը։
Ի դեպ, արդեն 2025 թ. հունվարին Շվեյցարիայի խորհրդարանի Վերին պալատի արտաքին հարաբերությունների հանձնաժողովը կողմ է քվեարկել արցախահայության վերադարձի շուրջ միջազգային համաժողով հրավիրելու բանաձևին։