“300 դրամ գրենք, որ 2 անգամ իջեցնենք, մենք էլ շահենք, հասարակությունն էլ”
- 22:20 28.01.2025
Երևանում փետրվարից 1-ից կներդրվի նոր ուղևորատոմս՝ մեկ ուղևորության արժեքը սահմանելով 150 դրամ: Սա գործելու է ամբողջ 2025 թվականի ընթացքում, ֆեյսբուքյան տեսանյութում հայտարարեց քաղաքապետ Տիգրան Ավինյանը:
Նա նշեց, որ առաջարկվող մեկ ուղևորության համար սահմանված 150 դրամը ամեն տարի կարող է փոփոխվել առավելագույնը 10 դրամով և միայն շարունակվող բարեխումների պայմաններում:
Կառավարության աշխատակազմի ղեկավար Արայիկ Հարությունյանը եւ շատ այլ փորձագետներ նման քայլը գնահատել են, որպես “ժողովրդավարական”․ մեր կառավարությունը լսում է հասարակությանը եւ ենթարկում նրա պահանջներին։
“Նոր” սակագինը երկու անգամ ցածր կլինի աստղաբաշխական 300 դրամից, սակայն 50 տոկոսով ավելին ներկայիս սակագնի համաեմատ։
Արեւելյան առեւտրի դարերով փորձված միջոց է՝ բարձրացնենք մինչեւ 300 տոկոս, հետո 2 անգամ կրճատենք եւ ստանանք 1,5 անգամ բարձրացում։ Բոլորը ուրախ կլինեն, որ 2 անգամ պակաս կվճարեն, կառավարությունը “կապացուցի” իր ժողովրդավարությունը, իսկ քաղաքային բյուջեն 50 տոկոսով ավել եկամուտ կստանա։
Ավագանու անդամները ասում են, որ նման միանձնյա որոշումը անօրինական է, քանի որ Ավագանու նիստ չի եղել։ Ընդդիմությունը ասում է, որ գինը պետք է լինի 100 դրամ, եւ փոտրվարի 1ից ակցիաները ուժի մեջ են։
Տեսնենք, փետրվարի 1-ից մարդիկ կվճարե՞ն 100 դրամ, ինչպես կոչ են անում ընդդիմախոսները։ Թե՞ հերթական բունտը կարելի է ավարտված համարել։