Քաղաքապետարանը տրանսպորտային հսկիչներ է նշանակել

Փետրվարի 1-ից Երևանի հանրային տրանսպորտում հսկիչներ կլինեն: Այս մասին այսօր՝ հունվարի 29-ին, NEWS.am-ի հետ զրույցում ասաց Երևանի ավագանու «Քաղաքացիական պայմանագիր» խմբակցության ղեկավար Արմեն Գալջյանը՝ անդրադառնալով տրանսպորտի թանկացման դեմ սպասվելիք բոյկոտին:

Դեռ մինչեւ բոյկոտը, երբ “բարեփոխման” շրջանակներում փոխվեց տրանսպորտի վճարման համակարգը, եւ քաղաքապետարանը չապահովեց հսկողական գործառույթը, մարդիկ պարզապես դադարեցին վճարել։ Հիմա էլ դժվար է պատկերացնել, թե տեխնիկապես ինչպես են հսկիչները ստուգելու՝ մարդիկ վճարե՞լ են թե՞ ոչ։

Սակայն նրանք կարող են ստուգել, թե ովքեր են մասնակցում բոյկոտին։