Երեւանում 0-2 տարեկան երեխաների խմբեր կբացվեն մանկապարտեզներում
- 11:58 30.01.2025
Կառավարությունն իր այսօրվա՝ հունվարի 30-ի նիստում որոշեց փորձնական ծրագիր իրականացնել Երեւանի մանկապարտեզներում, որը թույլ կտա 0-2 տարեկան երեխաներին ընդգրկել մանկապարտեզներում:
Այս առնչությամբ առաջացել է 2025 թվականի ապրիլի 1-ից մինչև 2026 թվականի դեկտեմբերի 31-ը ներառյալ՝ 0-2 տարեկան երեխաների խմբերի ֆինանսավորման վերաբերյալ նախագծով առաջարկվող լրացման անհրաժեշտություն:
Առաջարկվողը փորձնական ծրագիր է՝ սահմանափակ թվով շահառուների` ընդամենը 10 խմբի համար: Նշված խմբերի ընտրությունը կատարվել է Տարածքային կառավարման և ենթակառուցվածքների նախարարության և Երևանի քաղաքապետարանի հետ քննարկման արդյունքում: Ընտրության համար հիմք են հանդիսացել հաստատությունների ֆիզիկական վիճակը և կրտսեր 1-ին (2-3 տարեկան) տարիքային խմբի առկայությունը՝ շարունակականությունն ապահովելու սկզբունքով:
Փորձնական ծրագրի իրականաման համար կպահանջվի շուրջ 175 140 000 ՀՀ դրամ՝ պայմանավորված խմբերի և դրանցում ընդգրվող սաների թվով: