ԱԱԾ-ն հաստատել է, որ Երեւանի հրապարակում “Գարաբաղ” էին երգում

Ազգային անվտանգության ծառայությունը պարզաբանում է տարածել երեկ երեկոյան համացանցում տարածված և լայն արձագանք գտած տեսանյութի վերաբերյալ, որում մի քանի տղամարդիկ Երևանի Հանրապետության հրապարակում «Ղարաբաղի մասին» երգ են կատարում:

ԱԱԾ-ն հայտնել է, որ տեսանյութում պատկերված անձինք Իրանի քաղաքացիներ են՝ Նադեր Ղաֆարին, Համեդ Ազիզի Մալեկին, Մեհդի Մոհամմադին, Բեհզադ Ղաֆարի Շաբանլոուն, Միլադ Ղահրամանիաֆշարը:

Այս անձինք, ըստ ԱԱԾ հաղորդագրության, Հայաստանում են գտնվել 2024թ. դեկտեմբերի 30-ից մինչև հունվարի 3-ը:

ԱԱԾ-ը, փաստորեն, հաստատում է, որ Պարսկաստանից թե այլ տեղից եկած մարդիկ կարող են գալ եւ Երեւանի կենտրոնական հրապարակում անարգել “Գարաբաղ” երգել։ Գարաբաղ կարելի է, Արցախ չի կարելի։