Թրամփը «միանում» է Ուկրաինայում ընտրություններ անցկացնելու Պուտինի պահանջին
- 22:54 01.02.2025
ԱՄՆ-ն առաջ է քաշում մինչև այս տարվա վերջ Ուկրաինայում նախագահական և խորհրդարանական ընտրություններ անցկացնելու առաջարկ, հատկապես, եթե մոտակա ամիսներին հնարավոր լինի հասնել հրադադարի Ռուսաստանի հետ պատերազմում։ Այս մասին Reuters-ին ասել է Ուկրաինայի հարցով ԱՄՆ նախագահ Դոնալդ Թրամփի հատուկ ներկայացուցիչ Քիթ Քելոգը։
Ուկրաինայի նախագահի և Գերագույն ռադայի ընտրությունները պետք է տեղի ունենային անցյալ տարի, երբ ավարտվեցին նախագահ Վլադիմիր Զելենսկու լիազորությունների և խորհրդարանի ներկայիս գումարման ժամկետը։ Սակայն դրանք հետաձգվեցին անորոշ ժամանակով, քանի որ Ուկրաինայում գործող ռազմական դրության համաձայն՝ ընտրություններն արգելված են օրենքով։
Վլադիմիր Պուտինն ասում է, որ Զելենսկին կորցրել է իր լեգիտիմությունը անցյալ տարի իր հնգամյա ժամկետն ավարտելուց հետո։ Ուկրաինայի օրենսդրությունը նախատեսում է, որ նախագահը շարունակում է պաշտոնավարել մինչև նոր ընտրությունների անցկացում։ Պուտինը հրաժարվել է նրա հետ խաղաղության պայմանագիր կնքել։ Հինա Թրամփը, փաստորեն, միանում է Պուտինի պահանջին։