Նոր փուլ. ոստիկանությունը Թբիլիսիում բերման է ենթարկել ընդդիմադիրներին
- 10:33 03.02.2025
Վրաստանի ոստիկանությունը կիրակի օրը ձերբակալել է հակակառավարական բողոքի ակցիաների մի քանի մասնակիցների: Հազարավոր ցուցարարներ, որոնք պահանջում են նոր խորհրդարանական ընտրությունների անցկացում, կարճ ժամանակով փակել են մայրուղին երկրի մայրաքաղաք Թբիլիսիի ծայրամասում:
Reuters-ի թղթակիցը փոխանցում է, որ ձերբակալվածների թվում է Նիկա Մելիան՝ երկրի ամենամեծ ընդդիմադիր՝ «Հանուն փոփոխությունների կոալիցիա»-ի առաջնորդը: Տեղական լրատվամիջոցների հաղորդմամբ՝ ձերբակալվել է նաև Թբիլիսիի նախկին քաղաքապետ Գեորգի Ուգուլավան:
Սա վրացական ճգնաժամի նոր փուլ է. մինչ այժմ վրացական իշխանությունները կոշտ մեթոդներ չեն կիրառել ցուցարարների նկատմամբ։ Երեկվա ձերբակալությունները կարող են ազդարարել ավելի քան երեք ամիս շարունակվող ցույցերը ցրելու որոշումը։