«Չաուշենսկու նման պատի տակը չքարկոծվեն հանկարծ, հերիք է ժողովրդին գազազեցնեն»
- 13:17 05.02.2025
Հարկերի բարձրացման դեմ դժգոհող տնտեսվարողներն այսօր առավոտվանից դարձյալ բողոքի ակցիա են անում կառավարության շենքի մոտ։
«Նիկոլը մեզ հետ արեց էն ամենը, ինչից ինքը միշտ բողոքում էր, միշտ ցույցեր էր կազմակերպում։ Եթե նրանք ինչ-որ բան չկարողացան միչեւ վերջ իրագործել, ինքն արեց մինչեւ վերջ՝ Ղարաբաղն էլ տվեց, ժողովրդին էլ սնանկացրեց, հիմա էլ անվտանգության հարցն է։ Տրանսպրոտը թանկացում եք, ամեն ինչ թանկացնում եք, որ ռայոններից «համբալ» գյուղացիներш երեխեքը չգան կրթություն ստանան, տրանսպորտի փող չունենան, չէ՞։ Մենք իրեն բերեցինք՝ իմանալով, որ ինքը հասուն չէ, որպեսզի երկիր ղեկավարի, բայց ուրիշը չկար, իրեն բերեցինք։ Եթե հրաժարական չտա, մենք բերել ենք, մենք էլ կհանենք իրեն։ Բայց թող իրենք վախենան, Չաուշենսկու նման պատի տակը չքարկոծվեն հանկարծ, հերիք է ժողովրդին գազազեցնեն»,- ասաց ակցիայի մասնակիցներից մեկը։
Տնտեսվարողներն ասում են, որ իրենց ստիպում են գույքագրում, հայտարարագրում անել, իրավիճակը խճճել են։ «Մենք պատրաստ ենք հարկը վճարել, չենք հրաժարվում հարկերից, թող հարկը ճիշտ դնի, պարզեցնի, որ ցանկացած քաղաքացի կարողանա աշխատել։ Մենք հիմա չենք հասկանում, պետք է հրավիրենք մասնագետներ, որ մեզ բացատրեն։ Հարկային տեռոր է սկսվում ազգի դեմ, որը շատ վատ բանի է տանում՝ թալանի ու ամեն ինչի»,- ասաց առեւտրականներից մեկը։
ԱԺ պատգամավոր Գառնիկ Դանիելյանն ասաց, որ իշխանությունների որոշումների հետեւանքով տասնյակ հազարավոր մարդիկ չեն կարողանալու այս հարկային բեռի տակ մտնել։ «Սա հանգեցնելու է նրան, որ փոքր ու միջին բիզնեսը չկարողանա գոյատեւել։ Հակառակը, խոշոր բիզնեսն ամբողջովին կլանելու է փոքր ու միջին բիզնեսին»,- ասաց Գառնիկ Դանիելյանը։