Էրիկ Պողոսյանին Արցախում ճանաչում էին շատերը․ նա նկարելով է հաղորդակցվում աշխարհին
- 13:56 05.02.2025
Էրիկ Պողոսյանին Արցախում ճանաչում էին շատերը։
Նա Քերոլայն Քոքսի անվան վերականգնողական կենտրոնի առաջին շահառուներից է: Մանուկ հասակից նրա մոտ ախտորոշվել է ՙՄկանային դիստրոֆիա,,:
Էրիկը մանկուց սիրում Է նկարել: Ստեղծագործել սկսել է 14 տարեկանից։ Արցախում նկարելը նրա համար ոչ միայն սիրելի զբաղմունք էր, այլև արտաքին աշխարհի հետ շփվելու միջոց ու վաստակելու ձև:
Արցախից տեղահանվելուց հետո Էրիկն իր ընտանիքի հետ սկզբում հաստատվեց Վանաձորում, սակայն քաղաքի խոնավ կլիման էլ ավելի սրեց նրա առողջական խնդիրները։ Այդ պատճառով նրանք որոշեցին տեղափոխվել Արտաշատ՝ հույս ունենալով, որ չոր կլիման կբարելավի Էրիկի վիճակը։
Սակայն ցավոք, նրա առողջական վիճակը կտրուկ վատթարացավ, առաջացան շնչառական ծանր խնդիրներ: Նա հայտնվեց վերակենդանացման բաժանմունքում՝. որոշ ժամանակ անց, բուժում անցնելուց հետո, տեղափողվեց տուն։ Այժմ արդեն տանն է, սակայն առողջությունը դեռ չի վերականգնվել։
Ներկայումս Էրիկն ինքնուրույն շնչել չի կարողանում և դա անում է շնչառական սարքի օգնությամբ։
Ք Քոքսի անվան Վերականգնողական կենտրոնի մասնագետները մինև օրս շարունակում են աջակցել Էրիկին, տնային այցելություների շրջանակում տրամադրելով անհրաժեշտ բժշկական պարագաներ և խոհրդատվություն։
Այսպիսով, օրերս Կենտրոնի նախաձեռնությամբ, կազմակերպության աջակից բարեկամների շնորհիվ հաջողվեց Էրիկին ապահովել շնչառական սարքով և էլեկտրական մահճակալով։
Քերոլայն Քոքսի անվան վերականգնողական կենտրոնը շնորհակալություն է հայտնում իր բոլոր աջակիցներին՝ կենտրոնի և շահառուների կողքին լինելու ու պարբերաբար աջակցելու համար։
Արսեն Աղաջանյան
