«Խոսքն այն մարդկանց մասին է, ովքեր ուզում էին զինվորին կանգնցնել պոստին, ասել՝ դու պաշտպանիր, մենք գնացինք»

«Շահրամանյանը մինչեւ նամակ գրելը նախ թող մի հատ պատմի՝ ինքը ո՞նց է իր ախրանիկներով կարողացել Արցախից դուրս գալ, իսկ մնացած գործընկերները չեն կարողացել։ Էդ ո՞նց է ստացվել, որ ինքը ստեղ է հայտնվել»,- այսօր լրագրողների հետ ճեպազրույցում ասաց ԱԺ նախագահ Ալեն Սիմոնյանը՝ անդրադառնալով Արցախի նախագահ Սամվել Շահրամանյանի մեկնաբանությանը։

Արցախցիներին չկռվելու եւ Արցախը լքելու մեջ մեղադրող Ալեն Սիմոնյանից լրագրողները հետաքրքրվեին՝ չի զղջո՞ւմ իր խոսքերի համար։

«Ես Արցախի ժողովրդի, Լեռնային Ղարաբաղի ժողովրդի մասին ընդհանրական որեւէ բան չեմ ասել, ես ասել եմ կոնկրետ մարդկանց մասին, ովքեր ոչ թե վերադառնում էին Ղարաբաղից, այլ վերադառնում էին Հյուսիսային պողոտա իրենց տները, ուզում էին վերադառնալ Հայաստանում իրենց կառուցած ասաբնյակները։ Եվ ձեզ վստահեցնում եմ՝ այն մարդիկ, որոնց մասին ես խոսել եմ, իրենք դա հասկացել են։ Իսկ ինչ վերաբերում է մարդկանց, ովքեր զոհվել են, ես երեկ ամբիոնից էլ եմ դրա մասին ասել՝ փառք ու պատիվ մեր զինվորներին, բայց երկիրը դատարկելը, գյուղը, քաղաքը դատարկելը սրան հանգեցրեց։

Դուք մոռանո՞ւմ եք այդ պատմությունները, Հայաստանից աշխատավարձ էին ստանում Ղարաբաղի պաշտոնյաները, այն ժամանակվա պատգամավորները, աշխատավարձը վերցնում էին մեր մոտից, դուրս էին գալիս Հայաստանի իշխանությունների մասին վատ հարցազրույցներ էին տալիս։

Չէր կարելի երկիրը դատարկել, դա ցավալի բան է։ Երբ որ ժամանակը կգա, անուններ էլ կտամ, բայց անուններ տալու կարիք էլ չկա։ Ասում եմ՝ խոսքն այն մարդկանց մասին է, ովքեր ուզում էին առաջին օրվանից դատարկել Ղարաբաղը, զինվորին կանգնցնել պոստին, ասել՝ դու պաշտպանիր, մենք գնացինք»։

«Երեկ ես ինչո՞ւ ջղայնացա, որովհետեւ լրագրողը եկել, ասում էր՝ բա երբ ենք վերադառնում։ Իմ զայրույթն այդտեղից է, որ պետք չէր Ղարաբաղը դատարկել, քաղաքական որոշման մասին եմ ասում, պարզ է, ես չեմ ասում, որ կանայք ու երեխաները պետք է մնային այնտեղ, յաթաղանը գար, մորթեր։ Դրա մասին չէ խոսքը, այդ էմոցիոնալ լոլոն, որը փորձում են հանրությանը հրամցնել, չի անցնելու։ Ես ասում եմ՝ բա էդ ո՞նց է ստացվում, որ որոշ մարդիկ իրենց ախրանիկներով եկան Հայաստան։ Ավտոմատը, որը Հայաստանը տվել էր, փոխանակ վերցնեին, բարձրանային սարերը, փոխանակ քաղաքական որոշում կայացնեին, պահեին Ղարաբաղը հայկական, հայերով բնակեցված, մի օրվա մեջ քաղաքական որոշում կայացրեցին ու տեղահանեցին։ Ղարաբաղը պատերազմի առաջին օրվանից դատարկելու ցանկությունն ի վերջո Ղարաբաղը հայաթափեց»,- հավելեց նա։

Ալեն Սիմոնյանը նաեւ ասաց, որ շրջափակման մեջ մնացած արցախցիները շանս ունեին մնալու ու կռվելու։ Ըստ նրա՝ եթե շանս չկար, 30 տարի մենք ի՞նչ էինք անում։ Դիտարկմանը, որ Հայաստանի իշխանությունը մենակ էր թղել արցախցիների, նա խատասխանեց․ «Այնքան, ինչքան 2018 թվականից հետո Հայաստանն է օգնելյուղը վերն զենքերի տեսանյութերը չեք տեսե՞լ։ Ալիեւի բերեծ օրինակները, որ Հայաստանը 1 մլրդ-ի, 2 մլրդ-ի, 3 մլրդ-ի զենք ուներ, մենք հա ոչնչացնում էինք, իրենք հա զենք ունեին, բա այս բաները ո՞ւր մնացին»։