Փետրվարի 13-ին Հայաստանում սպասվում է ձյուն, ապա տաքանալու է
- 10:42 13.02.2025
Փետրվարի 13-ին Հայաստանի ողջ տարածքում սպասվում են ձյան տեսքով տեղումներ. Այս մասին հայտնում են Հիդրոօդերեւութաբանության և մոնիտորինգի կենտրոնից։
Նշվում է, որ նման եղանակը հանրապետությունում կպահպանվի մինչև փետրվարի 15-ը։ Փետրվարի 16-ից հանրապետությունում կդիտվի չոր եղանակ:
Միաժամանակ օդի ջերմաստիճանը փետրվարի 14-ին կբարձրանա 5-7 աստիճանով։
Շիրակում օդի ջերմաստիճանը փետրվարի 13-ին կկազմի 0 աստիճան, Կոտայքում՝ +4, Գեղարքունիքում՝ +2։ Լոռիում և Արագածոտնում՝ +5, Տավուշում՝ +7։
Արարատում սպասվում է +6 աստիճան, Արմավիրում և Վայոց ձորում՝ +7, Սյունիքում +12 աստիճան:
Երեւանում փետրվարի 13-ին սպասվում է ձյուն: Մայրաքաղաքում օդի առավելագույն ջերմաստիճանը կկազմի +7 աստիճան։