Եվրոպան ցնցված է Թրամփ-Պուտին զրույցից. ասում են՝ Ուկրաինան ծախում են
- 18:56 13.02.2025
Երեկ Պուտինի և Թրամփի հեռախոսազրույց է տեղի ունեցել, որից հետո ԱՄՆ նախագահը զանգահարել է նաև Զելենսկիին։ Նույն օրը հայտնվեց նաեւ ԵՄ արձագանքը Պուտինին ուղղված Թրամփի կոչին։ Հիմնական եզրակացությունը հետևյալն է. Բրյուսելը վստահ է, որ ԱՄՆ-ն ցանկանում է խաղաղության բանակցություններ վարել Ուկրաինայում իր և Եվրամիության թիկունքում։
Financial Times-ը գրում է, որ արդարացել են ԵՄ երկրների մտավախությունները, թե Թրամփը կբանակցի Պուտինի հետ՝ առանց Եվրոպային հաշվի առնելու։
Իսկ Շվեդիայի նախկին վարչապետ Կարլ Բիլդտը Թրամփի և Պուտինի հեռախոսազրույցը համեմատեց 1938 թվականի Մյունխենի համաձայնագրի հետ։ Նախկին քաղաքական գործիչը նշել է, որ սա «նորարարական մոտեցում է»՝ Ռուսաստանի Դաշնությանը մեծ զիջումների գնալ նախքան բանակցությունների սկսվելը։
ԵՄ երկրները վստահ են, որ իրականում Թրամփի և Պուտինի հեռախոսազրույցը Ուկրաինային «կանխարգելիչ կապիտուլյացիայի» ստիպելու փորձ է։ Այլևս սա Պուտինի և Թրամփի աշխարհն է՝ Ամերիկան այլևս շահագրգռված չէ Ուկրաինայի և Եվրոպայի անվտանգության ապահովմամբ, գրում է բրիտանական The Telegraph հրատարակությունը։
Եվրոպական առաջնորդները ապշած էին այդ կոչից, ոմանք բացահայտ ասում էին, որ Թրամփը վաճառում է Ուկրաինան: Ավելին, Բրյուսելում ԱՄՆ պաշտպանության նախարար Փիթ Հեգսեթը ընդգծել է, որ Ուկրաինան տեղ չունի ՆԱՏՕ-ում։ Իսկ Թրամփը հասկացրել է, որ ԱՄՆ արդարադատության նախարարության ղեկավարի այցը Ուկրաինա փորձ է Կիևից գոնե որոշակի երաշխիքներ ստանալու, որ ամերիկյան զենքի գումարները կվերադարձվեն ԱՄՆ բյուջե։
Politico-ի լրագրողները գրում են, որ եկել է այն օրը, որից Ուկրաինան և ԵՄ-ն սարսափում են ամիսներ, եթե ոչ տարիներ։ Թրամփը ոչ միայն հայտարարեց, որ այլևս անվճար ռազմական օգնություն չի լինի Ուկրաինային, այլև Կիևը պետք է զիջի իր մի շարք տարածքներ։ Պենտագոնի ղեկավարը նաև հասկացրել է ԵՄ երկրներին, որ ԱՄՆ-ն այլևս չի լինելու իրենց անվտանգության երաշխավորը։