Իրավիճակը Հայաստանի ճանապարհներին

Հայաստանի Հանրապետության որոշ ավտոճանապարհներին առկա է մառախուղ և մերկասառույց, հայտնում է ՆԳՆ Փրկարար ծառայությունը։

Ձյան պատճառով Վարդենյաց լեռնանցքը դժվարանցանելի է կցորդով բեռնատարների համար։ Անիվների համար անհրաժեշտ է օգտագործել հակասողանքային շղթաներ։

Կոտայքի մարզում և Ապարանում (Արագածոտնի մարզ) ձյուն է տեղում։

Արագածի, Աշտարակի, Աշոցքի, Երևան-Սևան ավտոճանապարհներին, Գորայք-Զանգեր, Տաթև-Լծեն ավտոճանապարհներին տեղ-տեղ առկա է մերկասառույց:

Աշտարակի, Թալինի ավտոճանապարհներին և Լանջիկ-Մաստարա հատվածում առկա է մառախուղ։