Ալիևը Ստեփանակերտում “բացում է” վաղուց գործող հյուրանոցները և փող լվանում
- 15:18 22.02.2025
Ադրբեջանի կառավարությունը Ստեփանակերտում բիզնես նախագծեր է իրականացնում, որոնցում Meydan TV-ի թիմը կոռուպցիա ու ոչ թափանցիկ ծախսեր է տեսել։
Ստեփանակերտում հյուրանոցների կառուցման քողի տակ Ադրբեջանի պետբյուջեից հսկայական գումարներ են ներդրվել, ընդ որում իշխանությունը չի թաքցնում՝ բիզնես նախագիծը վերահսկում է հենց նախագահական աշխատակազմը։
Վերածննդի հրապարակում գտնվող «Արցախբանկ»-ի շենքը (որը ԽՍՀՄ ժամանակ “Ղարաբաղ” հյուրանոց էր ), 2000-ականներին կառուցված «Վալեքս գարդեն» շքեղ հյուրանոցն ու Ազատամարտիկների պողոտայի «Եվրոպա» հյուրանոցն Բաքվի իշխանությունը որպես նոր աննախադեպ ներդրումային ծրագիր է ներկայացնում, կարծես դրանք կառուցվել են զրոյից՝ իրենց բյուջեի շռայլ հատկացումներով։
Երկու հյուրանոցները թեթև արտաքին նորոգմամբ, «Արցախբանկ»-ն էլ ներքին փոփոխություններով դարձել են հինգ աստղանի թանկարժեք հյուրանոցներ։
Հյուրանոցները ժամանակ առ ժամանակ են բացվում, քանի որ մուտքը Արցախի մայրաքաղաք փակ է սովորական ժողովրդի համար։ Այնտեղ ապրում են հիմնականում զինվորականներ եւ շինարարներ։ Համալսարանը, ինչպես ասում են, 3 ամիս ցուցադրական գործելուց հետո փակվեց։
Թե ում համար է Ալիևը պահում Արցախի բնակավայրերը, կարելի է միայն կռահել։ Սակայն “նախկին բնակիչների տուն վերադառալու” պլանը կարծես տապալվում է։ Ո՞վ պիտի վերադառնա, եթե 40 հազարանոց Ստեփանակերտում մինչ 1988 թ․ առավելագունը 5 հազար ադրբեջանցի էր բնակվում, այն էլ՝ մասնավոր սեկտորում։