Գուցե հարկե՞րը իջեցնեք, ոչ թե ստիպեք մարդիկ հայտարարագրեն վերջին կոպեկը

Հունվարի 1-ից մինչև օրս համընդհանուր հայտարարագիր լրացրած 2486 քաղաքացի (նախորդ երկուշաբթի օրվա համեմատ + 861 քաղաքացի) ետ է ստացել 232 միլիոն դրամ սոցիալական կրեդիտ (նախորդ երկուշաբթի օրվա համեմատ +79 միլիոն դրամ): Մեկ մարդու կողմից ետ ստացած կրեդիտի միջին չափը 93.4 հազար դրամ է (նախորդ երկուշաբթի օրվա համեմատ -600 դրամ): Այս մասին սոցցանցի իր էջում գրել է Նիկոլ Փաշինյանը:

Հայտարարագերլու իմաստը՝ խոշոր գույքի եւ գումարների հոսքի վերահսկողությունն է՝ կոռուպցիան բացառելու նպատակով։ Սակայն երբ կառավարությունը պահանջում է, որ մարդիկ վերջին կոպեկը հայտարարագրեն, դա միայն մեկ նպատակ ունի՝ տոտալ վերահսկողություն բոլորի գրպանների պարունական եւ կյանքի հանդեպ։ Մարդ պիտի վախենա իր հարազատին գումար փոխանցել, կամ բացատի, թե ինչու է օգնում սեփական որդուն։

Կառավարությունը մի կողմից բարձրացնում է հարկերը /ի միջայլոց, մի քանի բողոքի ակցիայից հետո բոլորը կուլ տվեցին հարկերի ահռելի բարձրացումը/, մյուս կողմից փորձում է գայթակղել քաղաքացիներին, որ նրանք հայտարարագրեն ամբողջ ունեցածը, հանկարծ չխուսափեն հարկերից, եւ դրա դիմաց ստանան տարեկան մինչեւ 100 հազ․ դրամ։ Իսկ ո՞վ է հաշվարկել, որքան ավել հարկ է մուծելու քաղաքացին այս տարի։ Եթե ուզում եք քաղաքացուն “փող վերադարձնել”, իջեցրեք հարկերը։