Բաքվից վտանգավոր, սպառնալից պատումներ են ուղարկում․ ՀՀ ԱԳ փոխնախարար
- 18:45 25.02.2025
«Սահմանազատումն ու սահմանագծումը մեր օրակարգում ամենազգայուն թեմաներից է Ադրբեջանի հետ հարաբերությունների շրջանակներում։ Բայց Բաքվի հռետորաբանությունն այնքան էլ լավատեսական ուղերձներ մեր չի ուղղում, ամեն անգամ նրանք վտանգավոր, սպառնալից պատումներ են ուղարկում։ Մեր գերիները շարունակում են այնտեղ մնալ, ինչն ամոթալի գործընթաց է Բաքվի համար»,- այսօր Երեւանում անցկացվող Հայաստան-ԵՄ խորհրդարանական գործընկերության կոմիտեի 4-րդ նիստի ժամանակ ասաց ՀՀ ԱԳ փոխնախարար Պարույր Հովհաննիսյանը։
Նա նշեց, որ հայկական կողմը խնդրում է, որպեսզի միջազգային գործընկերները ներգրավվեն «խաղաղության համար ներդրվող ջանքերին»։
«Շնորհակալ ենք Եվրամիությանը, բայց Եվամիության միջնորդական առաքելությունը հիմա չի գործում, մենք խոսել ենք նոր նախագահի ներգրավման մասին։ Եվ մենք ակնկալում ենք նրա այցը շատ մոտ ժամանակում, որ նա կայցելի Հայաստան եւ Ադրբեջան։ Նրանց ներգրավվածությունը կարեւոր է, որպեսզի այս գործընթացում ունենանք առաջընթաց եւ հաստատենք խաղաղություն»,- ասաց Պարույր Հովհաննիսյանը։