Հերիք է մեր հայոց քաղաքակրթությունը դարպաս, խաչմերուկ և կամուրջ անվանել
- 19:52 25.02.2025
Այսօր՝ փետրվարի 25-ին, ԵՄ-Հայաստան խորհրդարանական գործընկերության կոմիտեի 4-րդ նիստին ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը ասել է․
«Մենք քրիստոնյա աշխարհի ժողովրդավարության դարպասներն ենք: Ժամանակն է լինել ոչ միայն դարպաս, այլև խաչմերուկ, համաշխարհային առևտուր, կապեր, հարթակ՝ տնտեսական, առևտրի, ինչպես նաև մշակութային, քաղաքական համագործակցության համար՝ արևելք, արևմուտք, հյուսիս, հարավի միջև»:
Ներկայիս կառավարությունը գիտակցաբար արժեզրկում է մեր պետության եւ քաղաքակրթության արժեքը, Հայաստանն անվանելով մեկ դարպաս, մեկ խաչմերուկ, մեկ կամուրջ։ Դարպասն ու խաչմերուկը ոչ սահմաններ ունեն, որ ազգային ինքնություն, ոչ պատմական ժառանգություն, ոչ էլ քաղաքական գործառույթ։ Դարպասն ու խաչմերուկը զուտ տեխնիկական նշանակություն ունեն։
Այս կառավարության “դուխը” չի հերիքում պնդել, որ մենք ազգային պետություն ենք, աշխարհի ամենահին քաղաքակրթություններից ենք, որը բազմաթիվ “ազգերի” եւ կայսրությունների ծննունդ է տվել, որ մենք տարածք և իրավունքներ ունենք Հայկական լեռնաշխարհում։ Նրանց դուխը հերիքում մեր երկիրը վերածել մնացածների ոտի տակ ընկած խաչմերուկի։