Ակցիաներ ի պաշտպան Ռուբեն Վարդանյանի և մյուսների։ Ա․ Քոչարյանի տարoրինակ արձագանքը
- 17:25 27.02.2025
Կառավարության շենքի դիմաց այսօր հավաք է կազմակերպվել՝ հաջակցություն Բաքվում ապօրինի պահվող Ռուբեն Վարդանյանի եւ մյուս հայերի:
Նշենք, որ երեկ համացանցում տարածվեցին Ռուբեն Վարդանյանի լուսանկարները դատարանի դահլիճից, որտեղ նա հյուծված տեսք ունի:
Ռուբեն Վարդանյանի միջազգային փաստաբան Ջարեդ Գենսերը երեկ հայտարարություն է տարածել՝ ահազանգ հնչեցնելով։ “Ես նաև կոչ եմ անում աշխարհի առաջնորդներին, Հայաստանի վարչապետ Նիկոլ Փաշինյանին, դատապարտել այս ցուցադրական դատավարությունը, այն որակել որպես քաղաքական և ապօրինի»,-հայտարարել է Վարդանյանի փաստաբանը։
Նշենք նաև, որ Ռուբեն վարդանյանն արդեն մեկ շաբաթ է, ինչ հացադուլ է հայտարարել Բաքվում տեղի ունեցող դատական ֆարսի դեմ:
Արցախի ՄԻՊ Գեղամ Ստեփանյանը գրում է․ «Փետրվարի 28-ին՝ ժամը 12:00-ին, «Ընդդեմ իրավական կամայականության» ՀԿ ի նախաձեռնությամբ ի հիշատակ Ադրբեջանի ցեղասպանական գործողությունների զոհերի և ի պաշտպանություն բռնագաղթած հայության իրավունքների Ծիծեռնակաբերդում հագանքի տուրք է մատուցվելու բոլոր զոհերի հիշատակին, որից հետո շարժվելու ենք ՄԱԿ-ի հայաստանյան գրասենյակ, որտեղ ժամը 15:00-ին իրականացնելու ենք ակցիա՝ ի աջակցություն Բաքվում ապօրինաբար պահվող մեր պատանդների՝ մեր բողոքը արտահայտելով միջազգային հանրության հանցավոր լռության և անտարբերության։
Ռուբեն Վարդանյանի հայտարությունները Բաքվի բանտից և արդեն մեկ շաբաթ տևող հացադուլը մեզ բոլորիս հստակ ուղերձ պետք է լինեն, որ իրավունք չունենք անտարբեր մնալու և պարտավոր ենք անել մեզանից կախված ամեն ինչ մեր հայրենակիցների անհապաղ ազատ արձակման համար։
Խնդրում ենք բոլորին միանալ ակցիաներին և արտահայտել համերաշխություն Բաքվի ռեժիմի կողմից խոշտանգումների ենթարկվող մեր հայրենակիցներին»։
Բաքվում պահվող գերիների մասին խոսում է նաև իշխանությունը։ Սկզբից Նիկոլ Փաշինյանն է հայտարարել, որ գերիներից ցուցմունքներ են կորզում հոգեմետ դեղեևորի օգտագործմամբ, իսկ հետո Արարատ Միրզոյնը սկսեց տարվեր ատյաններում խոսալ գերիների խնդրի մասին։
Իշխանական պատգամավոր Անդրանիկ Քոչարյանը այսօր նույնիսկ հայտարարել է, որ «եթե նայենք մեր Արցախի ռազմաքաղաքական ղեկավարության դատավարության ընթացքում դիմագծերին, դուք կտեսնեք, որ այնտեղ խոշտանգումներ են իրականացվում: Հիմա այդ խոշտանգումների դեմ ինչ ճանապարհ կա, որպեսզի դրա դեմն առնենք. իհարկե՝ միջազգային հանրության որոշակի արձագանք: Ռուբեն Վարդանյանի դեմքին գրված է, թե ինչ է տեղի ունենում իրենց հետ Բաքվի բերդում: Ռուբեն Վարդանյանը ժամանակին այնքան բան է ասել, որ այսօր դրանք օգտագործվում են իր դեմ: Մի ասա այն, ինչը որ կօգտագործվի ինչ որ պահի քո դեմ”:
Նա ասել է, որ դատավարությունն կօգտագործվի ՀՀ-ի դեմ: “Դուք իրավունք չունեիք գերեվարվելու: Նման մակարդակի պաշտոնյանների գերեվարումը սպառնալիք է երկրի համար»,-ասել է Քոչարյանը: