Աբդուլլահ Օջալանը կոչ է անում աջակիցներին վայր դնել զենքերը
- 20:22 27.02.2025
Քրդստանի աշխատավորական կուսակցության (PKK) առաջնորդ Աբդուլլահ Օջալանը, ով ցմահ բանտարկություն է կրում թուրքական բանտում, իր կողմնակիցներին կոչ է արել վայր դնել զենքերը և ցրել PKK-ն։ Այս մասին հայտնում են թուրքական լրատվամիջոցները։
Իր ուղերձում նա փաստացի հանդես է եկել թուրքական պետության դեմ զինված պայքարի դադարեցման օգտին։
«Ես ստանձնում եմ պատմական պատասխանատվությունը զինաթափման այս կոչի համար: Անցկացրեք ձեր համագումարը և որոշումներ կայացրեք պետության և հասարակության հետ ինտեգրվելու վերաբերյալ։ Բոլոր խմբավորումները պետք է վայր դնեն զենքերը, իսկ ՔՍԿ-ը պետք է ցրվի»,- ասել է նա։
Ավելի ուշ քրդամետ DEM կուսակցության համանախագահ Թայիփ Թեմելի օգնականը պարզաբանեց, սակայն, որ Օջալանի կոչը չի վերաբերում Սիրիայի հյուսիս-արևելքում գործող խմբավորումներին։
Հիշեցնենք, որ Քրդստանի աշխատավորական կուսակցության հիմնադիրն ու առաջնորդը 1999 թվականից ցմահ պատիժ է կրում Մարմարա ծովի հարավարևելյան մասում գտնվող Իմրալի կղզու բանտում։ Թուրքիայում արգելված է Քրդստանի աշխատավորական կուսակցությունը։