“Արցախցիներին «եղբայրներ-քույրեր» անվանելու փոխարեն ՀՀ իշխանությունները պետք է ընդունեն, որ նրանք մազապուրծ են եղել ցեղասպանությունից”
- 17:16 28.02.2025
Փետրվարի 28-ին՝ Ադրբեջանի ցեղասպանական գործողությունների զոհերի հիշատակի եւ բռնագաղթված հայության իրավունքների պաշտպանության օրը, հարգանքի տուրք մատուցվեց 1988-1992 թվականներին ադրբեջանական իշխանությունների կողմից իրականացված ցեղասպանության զոհերի հիշատակին։
Իրավապաշտպան Լարիսա Ալավերդյանի խոսքով՝ արցախցիներին «եղբայրներ-քույրեր» անվանելու փոխարեն ՀՀ իշխանությունները պետք է որոշում ընդունեն, որ նրանք մազապուրծ են եղել ցեղասպանությունից։
«2023 թվականի հոկտեմբերի 26-ին ոչ թե պետք է ընդունեին այդ խայտառակ որոշումը, այլ պետք է ընդունվեր որոշում՝ ցեղասպանությունը վերապրած մարդկանց մասին։ Բոլոր նրանք, ովքեր չեն կարողանում վերադարձնել իրենց տները Արցախում, նրանք բոլորը ցեղասպանությունը վերապրած մարդիկ են»,- ասաց Ալավերդյանը։