Այսօրվանից «Մարգարայի» անցակետում ծառայությունն իրականացնում են միայն ՀՀ սահմանապահ զորքերը
- 10:11 01.03.2025
Այսօրվանից Հայաստան-Թուրքիա պետական սահմանի «Մարգարա» անցման կետում սահմանային ծառայությունն իրականացնում են միայն Հայաստանի սահմանապահ զորքերը, հայտնում է վարչապետը:
«Մարգարա» անցման կետը չի գործում Հայաստանի և Թուրքիայի միջև պետական սահմանի փակ լինելու պատճառով։ 2022 թվականի ամռանը անցման կետը կառավարության որոշմամբ հիմնանորոգվեց, և այնտեղ սկսվեց իրականացվել մշտական ծառայություն՝ ՌԴ Սահմանապահ զորքերի ուժերով։
«ՌԴ ԱԴԾ Սահմանապահ զորքերին երախտագիտությունս եմ հայտնում Հայաստան-Թուրքիա պետական սահմանի այս հատվածում իրականացրած ծառայության համար», – սոցիալական ցանցում գրել է Նիկոլ Փաշինյանը։
Նա պարզաբանել է, որ «Մարգարա» սահմանային կետի անցումը ՀՀ սահմանապահ զորքերի պատասխանատվության ներքո նշանակում է, որ 2025 թվականի մարտի 1-ից Հայաստանից ելք և ՀՀ մուտք գործող բոլոր մարդկանց սահմանային հսկողությունը կիրականացվի բացառապես Սահմանապահ զորքերի ուժերով, որովհետև բոլոր այդպիսի (գործող և չգործող) կետերում ծառայություն իրականացնում են միայն ՀՀ Սահմանապահ զորքերը։