Թրամփը անգլերենը հայտարարել է Միացյալ Նահանգների պաշտոնական լեզու
- 10:30 02.03.2025
ВВС
ԱՄՆ նախագահ Դոնալդ Թրամփը հրամանագիր է ստորագրել, որով երկրի պատմության մեջ առաջին անգամ անգլերենը դաշնային մակարդակով պաշտոնական լեզու է ճանաչվում։ Նախկինում այս կարգավիճակը շնորհվել էր անգլերեն լեզվին միայն որոշ նահանգներում։
Թեև ԱՄՆ պատմության ընթացքում բոլոր հիմնական փաստաթղթերը, ներառյալ Սահմանադրությունը և Անկախության հռչակագիրը, գրվել են անգլերենով, երկիրը, որպես այդպիսին, օրենսդրական մակարդակում երբեք պաշտոնական լեզու չի ունեցել:
Անգլերենը ճանաչված է որպես պաշտոնական լեզու ԱՄՆ 50 նահանգներից 32-ում՝ ըստ ProEnglish-ի՝ մի խմբի, որը հանդես է գալիս անգլերենի պաշտոնական կարգավիճակ տալու օգտին:
«Անգլերենը Միացյալ Նահանգների պաշտոնական լեզու ճանաչելու որոշումը վաղուց է հասունացել»,- ասվում է հրամանագրում։ Այն նաև ասում է, որ ընդհանուր լեզուն «խթանում է ազգային համախմբվածությունը», թեև ընդունում է, որ Միացյալ Նահանգներում խոսվում է ավելի քան 350 լեզուներով:
Համաձայն 2019 թվականի կառավարության տվյալների՝ ԱՄՆ-ի գրեթե 68 միլիոն բնակիչ տանը խոսում էն ոչ անգլերեն: Նրանց մեծամասնությունը խոսում էր իսպաներեն՝ ավելի քան 40 միլիոն։
Հրամանագրի նպատակն է, ի թիվս այլ բաների, հարգել ամերիկացիներին, ովքեր ի սկզբանե բնիկ անգլիախոս չեն եղել, բայց սովորել են լեզուն և փոխանցել այն ապագա սերունդներին, և վստահություն տալ ներգաղթյալներին, ովքեր կարող են օգտագործել այս համընդհանուր լեզուն՝ իրականացնելու իրենց ամերիկյան երազանքը: